ടാക്ടറിൽ പാചക വാതക സിലിണ്ടറുകളും, കൊയ്ത്തു യന്ത്രവും ഘടിപ്പിച്ച് കേരള കോൺഗ്രസ്‌ പ്രതിഷേധം

ഏറ്റുമാനൂർ : പെട്രോൾ, ഡീസൽ, പാചകവാതക വിലവർദ്ധനവിനെതിരെ കേരള കോൺഗ്രസ്‌ ഏറ്റുമാനൂർ നിയോജകമണ്ഡലം കമ്മറ്റിയുടെ നേതൃത്വത്തിൽ ഏറ്റുമാനൂർ ഹെഡ് പോസ്റ്റ് ഓഫീസിന് മുന്നിൽ പ്രതിഷേധ സമരം സംഘടിപ്പിച്ചു. പ്രതീകാത്മകമായി കൊയ്‌ത്ത് യന്ത്രം ഘടിപ്പിച്ച ടാക്ടർ കെട്ടി വലിച്ച് കൊണ്ടായിരുന്നു പ്രതിഷേധം.

വേനൽ മഴയെ തുടർന്ന് ദുരിതത്തിലായ നെൽകർഷകരെ സംസ്ഥാന സർക്കാർ അടിയന്തിരമായി സാമ്പത്തിക സഹായം നൽകി സഹായിക്കണം എന്ന് സമരം ഉൽഘാടനം ചെയ്ത പാർട്ടി സംസ്ഥാന സെക്രട്ടറി ജനറൽ അഡ്വ. ജോയ് അബ്രഹാം എക്സ് എം പി ആവശ്യപ്പെട്ടു.നഷ്ടം തിട്ടപ്പെടുത്താൻ സർക്കാർ ഉദ്യോഗസ്ഥ സംഘത്തെ നിയോഗിക്കണമെന്നും അദ്ദേഹം പറഞ്ഞു.

കേന്ദ്ര, സംസ്ഥാന സർക്കാരുകൾപരസ്പരം മത്സരിച്ചു ജനങ്ങളുടെമേൽ
അധിക ഭാരം ഏല്പിക്കുകയാണ്. പെട്രോൾ, ഡീസൽ, പാചക വാതക വില കുറക്കുവാൻ തീരുവ കുറക്കാൻ ഇരു സർക്കാരുകളും തയാറാകണമെന്ന് അദ്ദേഹം ആവശ്യപ്പെട്ടു.

പാർട്ടി നിയോജക മണ്ഡലം പ്രസിഡന്റ്‌ പി സി പൈലോ അധ്യക്ഷത വഹിച്ചു.
പാർട്ടി ജില്ലാ പ്രസിഡന്റ്‌ സജി മഞ്ഞക്കടമ്പിൽ മുഖ്യ പ്രഭാഷണം നടത്തി. പാർട്ടി ഉന്നതാധികാര്യ സമതി അംഗങ്ങളായ അഡ്വ. പ്രിൻസ് ലുക്കോസ്, അഡ്വ. ജെയ്സൺ ജോസഫ്. പാർട്ടി സംസ്ഥാന ജനറൽ സെക്രട്ടറിമാരായ കെ പി പോൾ, അഡ്വ മൈക്കിൾ ജെയിംസ്, ബിനു ചെങ്ങളം, സാബു പീടിയെക്കൽ,ജിജി കല്ലുംപുറം ടോമി നരികുഴി, തോമസ് പുതുശ്ശേരി, ഷൈജി ഓട്ടപ്പള്ളി, ടിറ്റോ പയ്യനാടൻ,സിബി ചിറയിൽ,ആൻസ് വർഗീസ്,ജോസ് അമ്പലക്കുളം ആലിസ് ജോസ്, കെ ടി ജെയിംസ്,ഓമന സണ്ണി, അമുദാ റോയ്, ജോസ് പാറാട്ട്,ജോഷി ജോസ്,ജെയ്സൺ ഞൊങ്ങിണി യിൽ, കുര്യൻ വട്ടമല, ബെന്നി കാട്ടൂപാറ, സി എം മാത്യു കളരിക്കൽ,ജോസ് പുല്ലത്തിൽ,ജോർജ് കുഴിപ്പള്ളിത്തറ എന്നിവർ ട്രാക്ടർ വലിച്ചുള്ള സമരത്തിന് നേതൃത്വം നൽകി.