കൊച്ചി : ചലച്ചിത്ര താരം വി പി ഖാലിദ് അന്തരിച്ചു. ഷൂട്ടിംഗിനിടെയായിരുന്നു മരണം. ഫോർട്ടു കൊച്ചി ചുള്ളിക്കൽ സ്വദേശിയാണ്. ക്യാമറാമെൻ ഷൈജു ഖാലിദ്, ജിംഷി ഖാലിദ്, സംവിധായകൻ ഖാലിദ് റഹ്മാൻ എന്നിവർ മക്കളാണ്. മഴവിൽ മനോരമ ചാനലിൽ സംപ്രേക്ഷണം ചെയ്യുന്ന മറിമായം പരിപാടിയിലെ ഖാലിദ് അഭിനയിച്ച സുമേഷ് എന്ന കോമഡി കഥാപാത്രം ഏറെ ജനശ്രദ്ധ നേടിയിരുന്നു. ആലപ്പി തീയറ്റേഴ്സ് അംഗമായിരുന്ന ഖാലിദ് അറിയപ്പെടുന്ന ഗായകനുമായിരുന്നു. എട്ടോളം സിനിമകളിൽ അഭിനയിച്ചു. താപ്പാന , കുട്ടികളുണ്ട് സൂക്ഷിക്കുക , അനുരാഗ കരിക്കിൻ വെളളം, സൺഡേ ഹോളിഡേ , മട്ടാഞ്ചേരി , കക്ഷി അമ്മിണിപ്പിള്ള , വികൃതി തുടങ്ങിയ ചിത്രങ്ങളിൽ ചെറിയ വേഷങ്ങളിലൂടെ ജന ശ്രദ്ധ നേടി. മമ്മൂട്ടി ചിത്രം പുഴുവാണ് അവസാനമായി പുറത്തിറങ്ങിയ സിനിമ.
Advertisements
