സ്പോർട്സ് ഡെസ്ക്ക് : ഹൈദരാബാദ് എഫ് സിയുടെ താരം നിഖില്‍ പൂജാരിയെ ബെംഗളൂരു എഫ് സി സ്വന്തമാക്കി. ദീർഘകാല കരാറില്‍ ആകും ഇന്ത്യൻ ദേശീയ താരം ബെംഗളൂരുവില്‍ എത്തുന്നത്.കഴിഞ്ഞ ദിവസം ബെംഗളൂരു ഹൈദരബാദിന്റെ ചിങ്ലെൻ സെനയെയും സ്വന്തമാക്കിയിരുന്നു. ഹൈദരാബാദ് എഫ് സിയിലെ സാമ്പത്തിക പ്രതിസന്ധിയാണ് താരങ്ങള്‍ ക്ലബ് വിടാനുള്ള കാരണം.
2019 മുതല്‍ നിഖില്‍ ഹൈദരാബാദ് എഫ് സിയില്‍ ഉണ്ട്. അതിന് മുൻപ് ക്ലബിന്റെ പേര് പൂനെ സിറ്റി എന്നായിരുന്നപ്പോഴും നിഖില്‍ ക്ലബില്‍ ഉണ്ടായിരുന്നു. ഈസ്റ്റ് ബംഗാളില്‍ നിന്നായിരുന്നു താരം 201 ഈ ക്ലബിലേക്ക് എത്തിയത്. വിങ്ങുകളിലും മിഡ്ഫീല്‍ഡിലും കൂടി കളിക്കാൻ കഴിയുള്ള നിഖില്‍ ഇന്ത്യൻ ടീമികെ സ്ഥിരാംഗമാണ്. ഇതുവരെ 23 മത്സരങ്ങള്‍ ഇന്ത്യക്ക് ആയി കളിച്ചിട്ടുണ്ട്. മഹാരാഷ്ട്രക്കാരനായ പൂജാരി മുംബൈ എഫ് സിയുടെയും ഡോദ്സാല്‍ എഫ് സിയുടെയും അക്കാദമികളിലൂടെ വളർന്നു വന്ന താരമാണ്‌.
