ന്യൂസ് ഡെസ്ക് : സുരേഷ്‌ഗോപി നായകനാകുന്ന 257- മത്തെ ചിത്രത്തിന് കൊച്ചിയില്‍ തുടക്കമായി. ‘എസ്ജി 257’ എന്ന് താത്കാലികമായി പേരിട്ടിരിക്കുന്ന ചിത്രം സംവിധാനം ചെയ്യുന്നത് സനല്‍ വി ദേവനാണ്.ചിത്രത്തിന്റെ പൂജ ഇന്ന് ഇടപ്പള്ളി അഞ്ചുമന ദേവീക്ഷേത്രത്തില്‍ നടന്നു. നടൻ സുരാജ് വെഞ്ഞാറമൂട് സ്വിച്ചോണ്‍ കര്‍മ്മം നിര്‍വ്വഹിക്കുകയും രാജാസിംഗ് ഫസ്റ്റ് ക്ലാപ്പ് നല്‍ക്കുകയും ചെയ്തു. ക്ഷേത്രത്തില്‍ വച്ച്‌ നടന്ന ലളിതമായ പൂജാ ചടങ്ങില്‍ ചലച്ചിത്ര രംഗത്തെ നിരവധി പ്രമുഖര്‍ പങ്കെടുത്തു.
പൂര്‍ണമായും ത്രില്ലര്‍ ജോണറില്‍ ഒരുങ്ങുന്ന ‘എസ്ജി 257’ ല്‍ പ്രശസ്ത നടനും സംവിധായകനുമായ ഗൗതം വാസുദേവ് മേനോൻ, സുരാജ് വെഞ്ഞാറമൂട് എന്നിവരും മുഖ്യവേഷത്തിലെത്തും. സുരേഷ് ഗോപി നായകനായ കാവല്‍ എന്ന ചിത്രത്തിന്റെ സഹസംവിധായകനായിരുന്നു സനല്‍ വി ദേവൻ. സുരേഷ് ഗോപിക്കൊപ്പം ഒരു ചിത്രമുണ്ടാകുമെന്ന് സംവിധായകൻ നേരത്തെ പറഞ്ഞിരുന്നു. സുരേഷ് ഗോപി ഇതുവരെ ചെയ്തതില്‍ നിന്നും വ്യത്യസ്തമായ കഥാപാത്രമായിരിക്കും തന്റെ വരാനിരിക്കുന്ന ചിത്രത്തിലേതെന്നും സനല്‍ ഒരു അഭിമുഖത്തില്‍ വെളിപ്പെടുത്തിയിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
മാവെറിക്ക് പ്രൊഡക്ഷൻസ് പ്രൈവറ്റ് ലിമിറ്റഡ് ലിമിറ്റഡിന്റെ ബാനറില്‍ വിനീത് ജെയ്‌നും സഞ്ജയ് പടിയൂര്‍ എന്റര്‍ടൈൻമെന്റിന്റെ ബാനറില്‍ സഞ്ജയ് പടിയൂരും ചേര്‍ന്നാണ് ചിത്രം നിര്‍മ്മിക്കുന്നത്. ജിത്തു കെ ജയന്റെ കഥയ്‌ക്ക് തിരക്കഥയും സംഭാഷണവും ഒരുക്കിയിരിക്കുന്നത് മനു സി കുമാറാണ്.അജയ് ഡേവിഡ് കാച്ചിലപ്പിള്ളിയാണ് ഛായാഗ്രഹണം. രാഹുല്‍ രാജ് സംഗീതവും മൻസൂര്‍ മുത്തൂട്ടി എഡിറ്റിംഗും നിര്‍വ്വഹിക്കുന്നു. ആര്‍ട്ട്-സുനില്‍ കെ ജോര്‍ജ്, കോസ്റ്റ്യൂം- നിസാര്‍ റഹ്‌മത്ത്, മേക്കപ്പ്- റോണക്‌സ് സേവ്യര്‍ തുടങ്ങിയവരാണ് മറ്റ് അണിയറ പ്രവര്‍ത്തകര്‍.
