തിയറ്ററിൽ ഇറങ്ങിയാലും അവയുടെ ഒടിടി റിലീസിനായി പ്രേക്ഷകർ കാത്തിരിക്കുന്ന ചില സിനിമകൾ ഉണ്ടാകാറുണ്ട്. ആ സിനിമ വീണ്ടും കാണാനും കാണാത്തവർക്ക് വീണ്ടും കാണാനുമുള്ള അവസരത്തിന് വേണ്ടിയാകും ഈ കാത്തിരിപ്പുകൾ. അത്തരത്തിലൊരു മലയാള സിനിമയാണ് ഒടിടിയിലേക്ക് എത്താൻ ഒരുങ്ങുന്നത്.
കുഞ്ചാക്കോ ബോബനും സുരാജ് വെഞ്ഞാറമൂടും പ്രധാന കഥാപാത്രങ്ങളായി എത്തിയ ‘ഗര്‍ര്‍ര്‍’ ആണ് ഒടിടിയിൽ സ്ട്രീമിങ്ങിന് ഒരുങ്ങുന്ന ചിത്രം. ഡിസ്നി പ്ലസ് ഹോട് സ്റ്റാറിനാണ് ചിത്രത്തിന്റെ സ്ട്രീമിംഗ് അവകാശം വിറ്റു പോയിരിക്കുന്നത്. ഹോട്സ്റ്റാറിന്റെ ഓഫീഷ്യൽ പേജിലൂടെയാണ് ഇക്കാര്യം അറിയിച്ചിരിക്കുന്നത്. എന്നാൽ സ്ട്രീമിംഗ് തിയതി പുറത്തുവിട്ടിട്ടില്ല.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
2024 ജൂൺ 13ന് തിയറ്ററുകളിൽ എത്തിയ ചിത്രമാണ് ‘ഗര്‍ര്‍ര്‍’. പൃഥ്വിരാജ് നായകനായി എത്തി ഹിറ്റായി മാറിയ എസ്ര എന്ന ഹൊറർ ത്രില്ലർ ചിത്രത്തിന് ശേഷം ജയ്‌ കെ സംവിധാനം ചെയ്ത ചിത്രമാണ് ഗര്‍ര്‍ര്‍. സുരാജിനും കുഞ്ചാക്കോ ബോബനും ഒപ്പം മോജോ എന്നൊരു സിംഹവും ചിത്രത്തിൽ പ്രധാന വേഷത്തിൽ എത്തിയിരുന്നു. ദർശൻ എന്നാണ് ഈ കഥാപാത്രത്തിന്റെ പേര്. ഹോളിവുഡ്, ബോളിവുഡ് സിനിമകളിൽ തിളങ്ങിയ സിംഹം കൂടിയാണ് മോജോ. ജയ്‌ കെയും പ്രവീണ്‍ എസും ചേർന്നാണ് ചിത്രത്തിന് തിരക്കഥ ഒരുക്കിയത്.
അതേസമയം, ഈ വാരം രണ്ട് സൂപ്പര്‍ താര സിനിമകളാണ് ഒടിടിയില്‍ സ്ട്രീം ചെയ്യാന്‍ ഒരുങ്ങുന്നത്. മമ്മൂട്ടി നായകനായി എത്തിയ ടര്‍ബോ ആണ് ഒരു സിനിമ. വൈശാഖ് സംവിധാനം ചെയ്ത ചിത്രം സോണി ലിവിലൂടെ ഒടിടിയില്‍ എത്തും. ഓഗസ്റ്റ് ഒന്‍പതിനാണ് സ്ട്രീമിംഗ്. അതേദിവസം തന്നെ കമല്‍ഹാസന്‍ നായകനായി എത്തിയ ഇന്ത്യന്‍ 2വും ഒടിടിയില്‍ എത്തും. നെറ്റ്ഫ്ലിക്സിനാണ് സ്ട്രീമിംഗ് അവകാശം വിറ്റു പോയിരിക്കുന്നത്.
