കരിപ്പൂരിൽ 4.9കിലോ സ്വർണം പിടികൂടി; രണ്ട് ഇൻഡിഗോ ജീവനക്കാർ പിടിയിൽ

കോഴിക്കോട് കരിപ്പൂർ വിമാനത്താവളത്തിൽ വൻ സ്വർണവേട്ട. 4.9 കിലോ സ്വർണം പിടികൂടി. സ്വർണം കടത്തിയത് ഇൻഡിഗോ എയർലൈൻസ് ജീവനക്കാരുടെ ഒത്താശയോടെയാണെന്ന് കസ്റ്റംസ് അധികൃതർ അറിയിച്ചു.

ഇതേത്തുടർന്ന് ഇൻഡിഗോ സീനിയർ എക്‌സിക്യൂട്ടീവ് സാജിദ് റഹ്മാൻ, കസ്റ്റമർ സർവീസ് ഏജന്റ് സാമിൽ എന്നിവരെ കസ്റ്റംസ് പിടികൂടി.

ദുബായിൽ നിന്നെത്തിയ വയനാട് സ്വദേശി അഷ്‌കർ അലിയുടെ ബാഗിൽ നിന്നാണ് സ്വർണം കണ്ടെടുത്തത്.