ദില്ലി: ബാങ്കുകളോ ധനകാര്യ സ്ഥാപനങ്ങളോ വായ്പയെടുക്കുന്നവരില്‍ നിന്ന് ഈടാക്കുന്ന പിഴ ചാർജുകള്‍ക്ക് ജിഎസ്ടി നല്‍കേണ്ട. ധനമന്ത്രി നിർമ്മല സീതാരാമൻ്റെ നേതൃത്വത്തിലുള്ള 55-ാമത് ചരക്ക് സേവന നികുതി (ജിഎസ്ടി) കൗണ്‍സില്‍ യോഗത്തിലാണ് ഇത് സംബന്ധിച്ച തീരുമാനം ഉണ്ടായത്. 2000 രൂപയില്‍ താഴെ പേയ്മെൻ്റ് നടത്തുന്ന പേയ്മെൻ്റ് അഗ്രഗേറ്റർമാർക്കുള്ള പരോക്ഷ നികുതിയും ഒഴിവാക്കിയിട്ടുണ്ട്.
Advertisements
55-ാമത് ജിഎസ്ടി കൗണ്‍സില്‍ യോഗത്തിൻ്റെ പ്രധാന തീരുമാനങ്ങള്‍ ഇവയാണ്
- ജിഎസ്ടി കൗണ്‍സില്‍ ഫോർട്ടിഫൈഡ് നെല്ലിൻ്റെ നിരക്ക് 5 ശതമാനമായി കുറച്ചു
- ജീൻ തെറാപ്പി ജിഎസ്ടിയില്‍ നിന്ന് ഒഴിവാക്കിയിട്ടുണ്ട്
- മുൻകൂട്ടി പാക്കേജുചെയ്തതും ലേബല്‍ ചെയ്തതുമായ വസ്തുക്കളുടെ വിവരണത്തില്‍ ഭേദഗതി വരുത്താൻ ജിഎസ്ടി കൗണ്‍സില്‍ ശുപാർശ ചെയ്തിട്ടുണ്ട്.
- ബാങ്കുകളോ ധനകാര്യ സ്ഥാപനങ്ങളോ വായ്പയെടുക്കുന്നവരില്‍ നിന്ന് ഈടാക്കുന്ന പിഴ ചാർജുകള്‍ക്ക് ജിഎസ്ടി നല്‍കേണ്ടതില്ല
- ഇൻഷുറൻസ് പ്രീമിയത്തിൻ്റെ നികുതി കുറയ്ക്കാനുള്ള തീരുമാനം ജിഎസ്ടി കൗണ്‍സില്‍ മാറ്റിവച്ചു
- 50 ശതമാനത്തിലധികം ഫ്ലൈ ആഷ് അടങ്ങിയ എസിസി ബ്ലോക്കുകള്‍ക്ക് 12 ശതമാനം ജിഎസ്ടി ബാധകമാകും
- കർഷകൻ വില്‍ക്കുന്ന പച്ച കുരുമുളക്, ഉണക്ക കുരുമുളക് എന്നിവ ജിഎസ്ടിക്ക് ബാധ്യസ്ഥമല്ല.
- ദീഘദുര എയർ മിസൈല്‍ (LR-SAM) സംവിധാനത്തിന് ജിഎസ്ടി ഇളവ് നല്‍കി
- കയറ്റുമതി നഷ്ടപരിഹാര സെസ് നിരക്ക് 0.1% ആയി കുറയ്ച്ചു
