“916 കുഞ്ഞൂട്ടനായി ഗിന്നസ് പക്രു” ; ടൈറ്റില്‍ പ്രകാശനം ചെയ്ത് നടൻ മോഹൻലാൽ

ഗിന്നസ് പക്രു നായകനാകുന്ന പുതിയ ചിത്രമാണ് 916 കുഞ്ഞൂട്ടന്റെ ടൈറ്റില്‍ പ്രകാശനം നടൻ മോഹൻലാൽ നിര്‍വഹിച്ചു. ആര്യൻ വിജയ് ആണ് സംവിധാനം. ഗിന്നസ് പക്രുവിനെ കൂടാതെ ടിനി ടോമും ചിത്രത്തിൽ പ്രധാന കഥാപാത്രത്തിലെത്തുന്നു.

ആക്ഷനും നര്‍മത്തിനും പ്രാധാന്യം നല്‍ക്കുന്ന ചിത്രത്തിന്റെ തിരക്കഥ എഴുതിയിരിക്കുന്നത് സംവിധായകൻ ആര്യൻ വിജയ് തന്നെയാണ്. തമിഴിലെയും തെലുങ്കിലെയും നിരവധി ഹിറ്റ് സിനിമകളുടെ ഛായാഗ്രാഹകനായ എസ് ശ്രീനിവാസ റെഡ്ഢി ആണ് 916 കുഞ്ഞൂട്ടന്റെ ക്യാമറ കൈകാര്യം ചെയ്യുന്നത്. കൊടുങ്ങല്ലൂരും ഇരിങ്ങാലക്കുടയും ഗിന്നസ് പക്രു ചിത്രം 916 കുഞ്ഞൂട്ടന്റെ പ്രധാന ലൊക്കേഷനാകുന്നു.

നിര്‍മാണം മോർസെ ഡ്രാഗൺ എന്റർടൈൻമെന്റിന്റെ ബാനറിൽ ആണ്. രാകേഷ് സുബ്രഹ്മണ്യനാണ് നിര്‍മാണം. എക്സിക്യുട്ടിവ് പ്രൊഡ്യൂസർ പാസ്‌ക്കൽ ഏട്ടൻ. ഗിന്നസ് പക്രു നായകനായി എത്തുന്ന ചിത്രത്തിന്റെ പ്രൊഡക്ഷൻ കൺട്രോളർ സജീവ് ചന്ദിരൂർ.

ചിത്രത്തിന്റെ സംഗീതം ആനന്ദ് മധുസൂദനനാണ്. ഫീനിക്സ് പ്രഭുവാണ് സംഘട്ടന സംവിധാനം. കല പുത്തൻചിറ രാധാകൃഷ്‍ണൻ ആണ്. മേക്കപ്പ് ഹസ്സൻ വണ്ടൂർ വസ്‍ത്രാലങ്കാരം സുജിത് മട്ടന്നൂർ, ഗാനങ്ങൾ അജീഷ് ദാസ്, കൊറിയോഗ്രാഫർ പോപ്പി, ചീഫ് അസ്സോസിയേറ്റ് ഡയറക്ടർ ബേബി മാത്യൂസ്, അസ്സോസിയേറ്റ് ഡയറക്ടർ സുരേഷ് ഇളമ്പൽ, പ്രൊഡക്ഷൻ എക്സിക്യുട്ടീവ് ഷിന്റോ ഇരിങ്ങാലക്കുട, സ്റ്റിൽസ് ഗിരി ശങ്കർ, ഡിസൈൻ കോളിൻസ് ലിയോഫിൽ, പിആർ പ്രതീഷ് ശേഖർ എന്നിവരുമാണ്.