ബ്യൂണസ് അയേഴ്സ് : ബ്രസീലിനും ഉറുഗ്വെക്കുമെതിരെ ഈ മാസം നടക്കുന്ന ലോകകപ്പ് ഫുട്ബാള്‍ യോഗ്യതാ മത്സരങ്ങള്‍ക്കുള്ള അര്‍ജന്റീനയുടെ ടീമിനെ പ്രഖ്യാപിച്ചു.ലയണല്‍ മെസ്സി നായകനായ ടീമില്‍ രണ്ടു പുതുമുഖങ്ങള്‍ ഇടം നേടി. സ്പാനിഷ് ഡിഫൻഡര്‍ പാബ്ലോ മാഫിയോയും ഫ്രാൻസിസ്കോ ഒര്‍ട്ടേഗയുമാണ് കന്നി മത്സരത്തിനൊരുങ്ങുന്നത്. പരിക്ക് മൂലം വിട്ടുനിന്ന എയ്ഞ്ചല്‍ ഡി മരിയ ടീമില്‍ തിരിച്ചെത്തി.
തെക്കനമേരിക്കൻ യോഗ്യത റൗണ്ടില്‍ നാലില്‍ നാലും ജയിച്ച്‌ 12 പോയിന്റുമായി അര്‍ജന്റീന തന്നെയാണ് മുന്നില്‍. ഏഴു വീതം പോയിന്റുകളുമായി ഉറുഗ്വെയും ബ്രസീലുമാണ് രണ്ടും മൂന്നും സ്ഥാനത്ത്. നവംബര്‍ 17നാണ് ഉറുഗ്വെയുമായുള്ള മത്സരം. 22 നാണ് ബ്രസീല്‍ -അര്‍ജന്റീന പോരാട്ടം.ഫ്രാൻസിസ്കോ ഒര്‍ട്ടേഗ, പാബ്ലോ മഫിയോ
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അര്‍ജന്റീന ടീം സ്ക്വാഡ്
ഗോള്‍കീപ്പര്‍മാര്‍: എമിലിയാനോ മാര്‍ട്ടിനെസ് (ആസ്റ്റണ്‍ വില്ല), ഹുവാൻ മുസ്സോ (അറ്റ്ലാന്റ), വാള്‍ട്ടര്‍ ബെനിറ്റസ് (പി.എസ്.വി ഐന്തോവൻ), ഫ്രാങ്കോ അര്‍മാനി (റിവര്‍ പ്ലേറ്റ്).
ഡിഫൻഡര്‍മാര്‍: ഗോണ്‍സാലോ മോണ്ടിയേല്‍ (നോട്ടിങ്ഹാം ഫോറസ്റ്റ്), പാബ്ലോ മഫിയോ (മയോര്‍ക്ക), നഹുവല്‍ മൊളീന (അത്‌ലറ്റിക്കോ മാഡ്രിഡ്), ജര്‍മൻ പെസെല്ല (റിയല്‍ ബെറ്റിസ്), ക്രിസ്റ്റ്യൻ റൊമേറോ (ടോട്ടനം ഹോട്‌സ്‌പര്‍), ലൂക്കാസ് മാര്‍ട്ടിനെസ് ക്വാര്‍ട്ട (ഫിയോറന്റീന), നിക്കോളാസ് ഒടാമെൻഡി (ബെൻഫിക്ക), മാര്‍കോസ് അക്യൂന (സെവിയ്യ), ഫ്രാൻസിസ്കോ ഒര്‍ട്ടേഗ (ഒളിംപിയാകോസ്), നിക്കോളാസ് ടാഗ്ലിയാഫിക്കോ (ഒളിമ്ബിക് ലിയോണ്‍).
മിഡ്ഫീല്‍ഡര്‍മാര്‍: ലിയാൻഡ്രോ പരേഡെസ് (എ.എസ് റോമ), റോഡ്രിഗോ ഡി പോള്‍ (അത്‌ലറ്റിക്കോ മാഡ്രിഡ്), ഗ്വിഡോ റോഡ്രിഗസ് (റിയല്‍ ബെറ്റിസ്), എൻസോ ഫെര്‍ണാണ്ടസ് (ചെല്‍സി), എസെക്വീല്‍ പലാസിയോസ് (ബയേര്‍ ലെവര്‍കുസെൻ), ജിയോവാനി ലോ ചെല്‍സോ (ടോട്ടൻഹാം ഹോട്‌സ്‌പര്‍), അലക്‌സിസ് മക്‍അലിസ്റ്റര്‍ (ലിവര്‍പൂള്‍).
ഫോര്‍വേഡുകള്‍: പൗളോ ഡിബാല (എ.എസ് റോമ), എയ്ഞ്ചല്‍ ഡി മരിയ (ബെൻഫിക്ക), ലയണല്‍ മെസ്സി (ഇന്റര്‍ മയാമി), ഹൂലിയൻ ആല്‍വാരസ് (മാഞ്ചസ്റ്റര്‍ സിറ്റി), ലൗതാരോ മാര്‍ട്ടിനെസ് (ഇന്റര്‍ മിലാൻ), നിക്കോളാസ് ഗോണ്‍സാലസ് (ഫിയോറന്റീന), ലൂക്കാസ് ഒകാമ്ബോസ് (സെവിയ്യ).
