ലണ്ടൻ: എര്‍ലിംഗ് ഹാളണ്ടിൻ്റെ തീയുണ്ട ഗോളുകൾ , ലീപ്സിഗിൻ്റെ വലനിറച്ചപ്പോൾ തകർന്നടിഞ്ഞത് ചാമ്പ്യൻസ് ലീഡ് എന്ന സ്വപ്നമായിരുന്നു. . ഇത്തിഹാദ് സ്റ്റേഡിയത്തില്‍ നടന്ന ആവേശകരമായ മത്സരത്തില്‍ മാഞ്ചസ്റ്റര്‍ സിറ്റി യുവേഫ ചാമ്ബ്യന്‍സ് ലീഗിന്റെ ക്വാര്‍ട്ടര്‍ ഫൈനലിലേക്ക് മുന്നേറിയപ്പോള്‍ ആർ ബി ലീപ്‌സിഗിനെതിരെ ഹാളണ്ട് അടിച്ചു കൂട്ടിയത് അഞ്ചു ഗോളുകള്‍ ആയിരുന്നു. 7-0ന്റെ ഉജ്ജ്വല വിജയം അവര്‍ നേടി. അഗ്രിഗേറ്റ് സ്കോറില്‍ 8-1ന്റെ വിജയവവും. ഇന്ന് ആദ്യ പകുതിയില്‍ തന്നെ ഹാട്രിക് നേടാന്‍ എര്‍ലിംഗ് ഹാളണ്ടിനായി.
ഇന്ന് നോര്‍വീജിയന്‍ സ്ട്രൈക്കര് മിന്നുന്ന ഫോമിലായിരുന്നു, 22-ാം മിനിറ്റില്‍ ക്ലിനിക്കല്‍ പെനാല്‍റ്റിയിലൂടെ സ്‌കോറിംഗ് ആരംഭിച്ചു. രണ്ട് മിനിറ്റിനുള്ളില്‍ അദ്ദേഹം മറ്റൊരു ഗോളുമായി അതിനെ പിന്തുടര്‍ന്നു, ഇത്തവണ കെവിന്‍ ഡി ബ്രൂയിന്റെ അസിസ്റ്റില്‍ നിന്നായിരുന്നു ഹാളണ്ടിന്റെ സ്ട്രൈക്ക്. ആദ്യ പകുതി അവസാനിക്കും മുമ്ബ് ഹാലാന്‍ഡ് തന്റെ ഹാട്രിക്ക് തികച്ചു. ആദ്യ പകുതിയില്‍ തന്നെ 3-0!!
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
രണ്ടാം പകുതിയില്‍ ആര്‍ബി ലീപ്‌സിഗ് തിരിച്ചുവരവിന് ശ്രമിക്കും മുമ്ബ് പെനാള്‍ട്ടി ബോക്‌സിന് അകത്തു നിന്നുള്ള മികച്ച സ്‌ട്രൈക്കിലൂടെ ഇല്‍കെ ഗുണ്ടോഗന്‍ 49ആം മിനുട്ടില്‍ സിറ്റിക്കായി നാലാം ഗോള്‍ നേടി. സ്കോര്‍ 4-0. ഇതിനു ശേഷം വീണ്ടും ഹാളണ്ടിന്റെ ഗോളടി യന്ത്രം പ്രവര്‍ത്തിച്ചു. രണ്ട് സെറ്റ് പീസുജളില്‍ നിന്നായി 54ആം മിനുട്ടിലും 57ആം മിനുട്ടില്‍ യുവ സ്ട്രൈക്കര് ഗോള്‍ നേടി. ഹാളണ്ടിന് 5 ഗോളുകള്‍. സിറ്റി 6-0നു മുന്നില്‍.
മാഞ്ചസ്റ്റര്‍ സിറ്റിയുടെ കുപ്പായത്തിലെ തന്റെ അഞ്ചാമത്തെ ഹാട്രിക്ക് ആണ് ഹാളണ്ട് ഇന്ന് നേടിയത്. 63ആം മിനുട്ടില്‍ ഹാളണ്ടിനെ പെപ് ഗ്വാര്‍ഡിയോള സബ് ചെയ്തു. അല്ലായിരിന്നു എങ്കിലും ചരിത്രം തിരുത്തുമായിരുന്ന ആറാം ഗോളും ആ ബൂട്ടില്‍ നിന്ന് പിറന്നേനെ. ഇതിനു ശേഷം കലീയുടെ അവസാന നിമിഷം ഡി ബ്രുയിനെ കളിയിലെ ഏഴാം ഗോള്‍ നേടി. സിറ്റി ഈ വിജയത്തോടെ ക്വാര്‍ട്ടര്‍ ഫൈനല്‍ ഉറപ്പിച്ചു.
