തിരുവനന്തപുരം: യുവാവിനെ പ്രാർഥനാലയത്തിനുള്ളില്‍ തൂങ്ങിമരിച്ച നിലയില്‍ കണ്ടെത്തി. ആഴങ്കല്‍മേലെ പുത്തൻവീട്ടില്‍ ശ്യാം കൃഷ്ണ(35)യെ ആണ് കല്ലാമം ഷാലോം ചർച്ച്‌ പ്രയർ ഹാളിനുള്ളല്‍ തൂങ്ങി മരിച്ച നിലയില്‍ കണ്ടെത്തിയത്. മദ്യപാനം നിർത്തുന്നതിനായി കഴിഞ്ഞ ദിവസമാണ് ശ്യാം കൃഷ്ണയെ ബന്ധുക്കള്‍ പ്രാർത്ഥനയ്ക്കായി ചർച്ചില്‍ കൊണ്ടുവന്നതെന്ന് പറയുന്നു. ഇന്നലെ രാത്രിയോടെ ശ്യാം കൃഷ്ണയെ കാണാതാവുകയായിരുന്നു. തുടർന്ന് അന്വേഷണം നടത്തിയെങ്കിലും കണ്ടെത്താൻ കഴിഞ്ഞില്ല. ഇന്ന് രാവിലെ 7 മണിയോടെയാണ് പ്രാർഥനാ ഹാളിനുള്ളില്‍ തൂങ്ങി മരിച്ച നിലയില്‍ കണ്ടെത്തുന്നത്. തുടർന്ന് കാട്ടാക്കട പൊലീസ് സ്ഥലത്തെത്തി മേല്‍ നടപടികള്‍ സ്വീകരിച്ചു.
Advertisements
