ശക്തമായ മഴ ഇന്നും തുടരും ; എട്ട് ജില്ലകളിൽ ഓറഞ്ച് അലർട്ട് ; ആറ്‌ ജില്ലകളിൽ മഞ്ഞ അലർട്ട്

തിരുവനന്തപുരം:
സംസ്ഥാനത്ത് ബുധനാഴ്‌ചയും കനത്ത മഴയ്‌ക്ക് സാധ്യതയെന്ന്‌ കാലവസ്ഥ നിരീക്ഷണകേന്ദ്രം മുന്നറിയിപ്പ്‌ നൽകി. നിലവിൽ എട്ട് ജില്ലകളിൽ ഓറഞ്ച് അലർട്ടും ആറ്‌ ജില്ലകളിൽ മഞ്ഞ അലർട്ടും പ്രഖ്യാപിച്ചു.  

തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, എറണാകുളം, കോഴിക്കോട്, വയനാട് ജില്ലകളിലാണ് ഇന്ന് ഓറ‍ഞ്ച് അലർട്ട്. ആലപ്പുഴ, തൃശൂർ, പാലക്കാട്, മലപ്പുറം ജില്ലകളിൽ മഞ്ഞ അലർട്ടും പ്രഖ്യാപിച്ചു.

ഇന്നും നാളെയും ഒറ്റപ്പെട്ട ശക്തമായ മഴയ്‌ക്ക് സാധ്യതയുണ്ട്‌. ഇടിമിന്നലും ശക്തമായ കാറ്റും തുടരും. മത്സ്യതൊഴിലാളികൾ കടലിൽ പോകരുതെന്നും നിർദേശമുണ്ട്.