ന്യൂസ് ഡെസ്ക് : ഹാരി പോട്ടര്‍ സീരീസിലെ പ്രൊഫ. ആല്‍ബര്‍ട്ട് ഡംബിള്‍ ഡോര്‍ എന്ന കഥാപാത്രത്തെ അവിസ്മരണീയമാക്കിയ ഹോളിവുഡ് താരം മൈക്കല്‍ ഗാംബൻ അന്തരിച്ചു.82 വയസ്സായിരുന്നു. ഹാരി പോട്ടര്‍ സീരീസില്‍ പുറത്തിറങ്ങിയ എട്ട് ചിത്രങ്ങളിലെ ആറെണ്ണത്തിലും ഗാംബൻ ആയിരുന്നു പ്രൊഫസര്‍ ഡംബിള്‍ ഡോറിനെ അവതരിപ്പിച്ചത്.
നാല് ടെലിവിഷൻ ബാഫ്റ്റ പുരസ്കാരങ്ങള്‍ നേടിയ ഇദ്ദേഹം ടിവി, സിനിമ, റേഡിയോ, തീയേറ്റര്‍ തുടങ്ങിയ മേഖലകളിലെല്ലാം പ്രാവീണ്യം തെളിയിച്ചു. അയര്‍ലണ്ടിലെ ഡബ്ലിനില്‍ 1962ല്‍ ജനിച്ച ഗംബൻ ന്യൂമോണിയ ബാധയെ തുടര്‍ന്ന് ആശുപത്രിയില്‍ ചികിത്സയിലിരിക്കെയാണ് മരണം സംഭവിച്ചത്. ഐ ടിവി സീരീസായ ‘മൈഗ്രറ്റ്’ ല്‍ ഫ്രഞ്ച് ഡിറ്റക്റ്റീവ് ജൂള്‍സ് മൈഗ്രറ്റ്, ബിബിസിയിലെ ഡെന്നിസ് പോട്ടറിന്റെ ‘ദി സിംഗിംഗ് ഡിറ്റക്റ്റീവ്’ ലെ ഫിലിപ്പ് മാര്‍ലോ എന്നിവ അദ്ദേഹത്തിന്റെ കരിയറിലെ ശ്രദ്ധ നേടിയ കഥാപാത്രങ്ങളാണ്.
