ഡബ്ളിൻ : മലയാളം സിനിമയിലെ മുൻനിര നായികമാരില്‍ ഏറെ ശ്രദ്ധ നേടിയ താരമാണ് ഹണി റോസ്. നടി എന്ന നിലയില്‍ ധാരാളം ഉദ്ഘാടനങ്ങള്‍ക്കും അതിഥിയായി ഹണി എത്തിയിട്ടുണ്ട്. കേരളത്തിലെ വിവിധ സ്ഥലങ്ങളിലെത്തിയ ഹണിയുടെ ചിത്രങ്ങളും വീഡിയോകളും സോഷ്യല്‍ മീഡിയയില്‍ വൈറലാകാറുമുണ്ട്.
കഴിഞ്ഞ ദിവസം അയര്‍ലാൻഡില്‍ ഉദ്ഘാടകയായെത്തിയ താരത്തിന്റെ വീഡിയോ ശ്രദ്ധ നേടിയിരുന്നു. കുടുംബത്തോടൊപ്പം അയര്‍ലാൻഡില്‍ അവധി ആഘോഷിക്കുകയാണ് ഹണി. ഇതിനിടയിലാണ് മറ്റൊരു ചിത്രം മലയാളികളുടെ ശ്രദ്ധ നേടിയത്. അയര്‍ലാൻഡിലെ മന്ത്രി ജാക്ക് ചേമ്ബേഴ്സ് അദ്ദേഹത്തിന്റെ ഇൻസ്റ്റഗ്രാം പ്രൊഫൈലിലൂടെ ഹണിയ്‌ക്കൊപ്പമുള്ള ചിത്രം ഷെയര്‍ ചെയ്തിരിക്കുകയാണ്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഒരു സംഘടനയുടെ ഭാഗമായുള്ള മെഗാ മേളയുടെ ഉദ്ഘാടനത്തിനാണ് ഹണി അയര്‍ലാൻഡിലെത്തിയത്. ഉദ്ഘാടനത്തിനിടയില്‍ പകര്‍ത്തിയ ചിത്രമാണെന്നാണ് വ്യക്തമാകുന്നത്.ഈ പോസ്റ്റിനു താഴെ നിറയുന്നത് മലയാളികളുടെ കമന്റുകളാണെന്നതാണ് കൗതുകം.
മലയാളികള്‍ ട്രോളുകളിലും മറ്റും ഉപയോഗിക്കുന്ന ഡയലോഗുകളാണ് ഇവിടെ നിറയുന്നത്. ഇപ്പോള്‍ പറയാമോ എന്നറിയില്ല… നാളെ എന്റെ മകളുടെ പിറന്നാളാണ് എല്ലാവരും വരണം,മല്ലൂസ് കമോണ്‍ട്രാ, അവസാനം ഞാനും ഇവിടെ എത്തിപ്പെട്ടു തുടങ്ങിയ കമന്റുകളാണ് പോസ്റ്റിനു താഴെ നിറയുന്നത്.
സോഷ്യല്‍ മീഡിയിലിലൂടെ ഹണി റോസ് എന്ന താരം പല രീതിയില്‍ ട്രോള്‍ ചെയ്യപ്പെടുന്നുണ്ട്. അതിലൊന്നാണ് ഹണി സ്ഥിരമായി ഉദ്ഘാടനങ്ങള്‍ക്കു പോകുന്നു എന്നത്. വ്യത്യസ്തമായ ട്രോളുകളാണ് ഇതിനെക്കുറിച്ച്‌ സോഷ്യല്‍ മീഡിയയില്‍ നിറയാറുള്ളത്. അതു വളരെയധികം ആസ്വദിക്കാറുമുണ്ട് ഹണി.
