മൂവി ഡെസ്ക്ക് : ലോകേഷ് ചിത്രങ്ങളോട് തെന്നിന്ത്യൻ സിനിമാപ്രേമികള്‍ക്ക് വല്ലാത്തൊരു ഇഷ്ടമാണ്. ലോകേഷിന്റെ ഒരോ സിനിമയും പ്രഖ്യാപിക്കുമ്പോള്‍ മുതല്‍ ആവേശത്തിലാണ് ആരാധകര്‍.ലോകേഷും സ്‌റ്റൈല്‍ മന്നൻ രജനികാന്തും ഒന്നിക്കുന്ന പുതിയ ചിത്രത്തിനും ആരാധകര്‍ ഒന്നടങ്കം കാത്തിരിക്കുകയാണ്. തലൈവര്‍ 171 എന്ന് താല്‍ക്കാലികമായി പേരിട്ടിരിക്കുന്ന ചിത്രത്തിന്റെ ഔദ്യോഗിക പ്രഖ്യാപനം ഈ അടുത്താണ് നടന്നത്. ഇപ്പോഴിതാ ആരാധകരുടെ ആവേശം കൂട്ടുകയാണ് ചിത്രത്തിന്റെതായി പുറത്തുവന്ന വാര്‍ത്ത.
തലൈവര്‍ 171-ല്‍ നടൻ ശിവകാര്‍ത്തികേയനും ഒരു കേന്ദ്ര കഥാപാത്രത്തെ അവതരിപ്പിക്കുമെന്നാണ് റിപ്പോര്‍ട്ട്. ഈ വാര്‍ത്ത തമിഴ് സിനിമാ മാദ്ധ്യമങ്ങള്‍ ശരിവക്കുകയും ചെയ്തിട്ടുണ്ട്. സൂപ്പര്‍സ്റ്റാറിന്റെ കടുത്ത ആരാധകനാണ് ശിവകാര്‍ത്തികേയൻ. രജനികാന്തിന്റെ ഒപ്പം ശിവകാര്‍ത്തികേയൻ ഒരുമിച്ച്‌ അഭിനയിക്കണമെന്ന ഏറെ നാളത്തെ ആഗ്രഹം ഒടുവില്‍ സഫലമായെന്നും മാദ്ധ്യമങ്ങള്‍ റിപ്പോര്‍ട്ട് ചെയ്യുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
രാഘവ ലോറൻസ്, പൃഥ്വിരാജ് സുകുമാരൻ, എന്നിവരെ കൂടാതെ മറ്റ് പാൻ ഇന്ത്യൻ താരങ്ങളും ചിത്രത്തില്‍ എത്തുമെന്നാണ് റിപ്പോര്‍ട്ട്. ഇക്കാര്യങ്ങളുടെ ഔദ്യോഗിക പ്രഖ്യാപനത്തിനായി കാത്തിരിക്കുകയാണ് ആരാധകര്‍. അനിരുദ്ധാണ് ചിത്രത്തിന് സംഗീതം പകരുന്നത്. വൻ മുതല്‍ മുടക്കില്‍ സണ്‍ പിക്‌ചേഴ്‌സ് ആണ് ചിത്രം നിര്‍മ്മിക്കുന്നത്. ചിത്രത്തിന്റെ പ്രീപ്രൊഡക്ഷൻ ജോലികള്‍ പുരോഗമിക്കുകയാണ്, 2024 ഏപ്രിലില്‍ ഷൂട്ടിംഗ് ആരംഭിക്കുമെന്നാണ് റിപ്പോര്‍ട്ടുകള്‍.
