ഇടുക്കി: യുവതിയെ ലൈംഗിക പീഡനത്തിനിരയാക്കി നഗ്ന ദൃശ്യങ്ങള്‍ പകർത്തി ബന്ധുക്കള്‍ക്ക് അയച്ചു കൊടുത്ത കേസിൽ യുവാവ് അറസ്റ്റില്‍. കട്ടപ്പന തൊപ്പിപ്പാള സ്വദേശി ബിബിനെയാണ് അടിമാലി പൊലീസ് അറസ്റ്റ് ചെയ്തത്. യുവതിയുമായി ഫോണ്‍ വഴി ബിബിൻ അടുപ്പം സ്ഥാപിക്കുകയും അടിമാലിയിലെ സ്വകാര്യ ലോഡ്ജില്‍ വെച്ച്‌ പീഡിപ്പിക്കുകയുമായിരുന്നു. തുടർന്ന് നഗ്നദൃശ്യങ്ങള്‍ മൊബൈലില്‍ പകർത്തി അത് സുഹൃത്തുക്കള്‍ക്കും ബന്ധുക്കള്‍ക്കും അയച്ചു കൊടുത്തു.
കൂടാതെ ഇത് കാണിച്ച്‌ യുവതിയെ നിരന്തരം ഭീഷണിപ്പെടുത്തുകയും ചെയ്തിരുന്നു. ഇതേ തുടർന്നാണ് യുവതി അടിമാലി പൊലീസില്‍ പരാതി നല്‍കുന്നത്. ഇതിനെ തുടർന്നാണ് ഇപ്പോള്‍ ബിബിനെ അറസ്റ്റ് ചെയ്തിരിക്കുന്നത്. യുവാവില്‍ നിന്നും മൊബൈല്‍ ഫോണ്‍ കണ്ടെടുത്തിട്ടുണ്ട്. സൈബർ സെല്‍ ഫോണില്‍ നിന്നും കൂടുതല്‍ വിവരങ്ങള്‍ ശേഖരിക്കും. കേസില്‍ മറ്റാരും പ്രതികളില്ലെന്നാണ് പൊലീസ് നല്‍കുന്ന വിവരം.
