മലപ്പുറം: നിർണ്ണായക മത്സരത്തിൽ ചർച്ചിൽ ബ്രദേഴ്‌സിനെ തകർത്ത് ഗോകുലം കേരളയ്ക്ക് ഈ വർഷത്തെ ആദ്യ വിജയം. ഗോകുലത്തിനായി ആദ്യമായി മത്സരത്തിന് ഇറങ്ങിയ സ്പാനിഷ് താരം സെർജിയോ ഇൻഗ്ലെയിസ് 80 ആം മിനിറ്റിൽ നേടിയ ഗോളിലാണ് ഗോകുലത്തിന്റെ വിജയം. മലയാളി താരങ്ങൾ കഷ്ടപ്പെട്ട് അധ്വാനിക്കുക കൂടി ചെയ്തതോടെ ഐ ലീഗിൽ ഗോകുലം പോയിന്റ് പട്ടികയിൽ മൂന്നാം സ്ഥാനത്തേയ്ക്ക് കുതിച്ചെത്തി. ഇതോടെ പത്തുകളികളിൽ നിന്നും അഞ്ചു വിജയവും മൂന്നു സമനിലയും രണ്ട് തോൽവിയും സഹിതം ഗോകുലത്തിന് 18 പോയിന്റായി. ഏഴാം സ്ഥാനത്തുള്ള ചർച്ചിലിന് 12 പോയിന്റാണ് ഉള്ളത്.
Advertisements