വിശാഖപട്ടണം : ഇംഗ്ലണ്ടിനെതിരായ രണ്ടാം ക്രിക്കറ്റ് ടെസ്റ്റ് നാളെ വിശാഖപട്ടണത്ത് ആരംഭിക്കും. ഹൈദരാബാദിലെ ആദ്യ ടെസ്റ്റിലേറ്റ അപ്രതീക്ഷിത തോല്‍വിക്ക് മറുപടി പറയുകയാണ് ഇന്ത്യയുടെ ലക്ഷ്യം.വിരാട് കോഹ്ലിയും കെ എല്‍ രാഹുലും രവീന്ദ്ര ജഡേജയുമില്ലാത്ത ഇന്ത്യന്‍ നിരയില്‍ ആരൊക്കെ അവസരം ഉറപ്പിക്കുമെന്നറിയാനാണ് ആരാധകര്‍ കാത്തിരിക്കുന്നത്.
അഞ്ചാം നമ്പറില്‍ ശ്രേയസ് അയ്യരും ആറാം നമ്പറില്‍ കെ എസ് ഭരതും ക്രീസിലെത്തിയേക്കും. രവീന്ദ്ര ജഡേജയ്ക്ക് പകരം വാഷിംഗ്ഡണ്‍ സുന്ദറിനാണ് കൂടുതല്‍ സാധ്യത. അക്‌സര്‍ പട്ടേലും രവിചന്ദ്രന്‍ അശ്വിനും പിന്നാലെയെത്തും. പേസ് നിരയില്‍ ബുംറ-സിറാജ് സഖ്യം പൊളിക്കാന്‍ സാധ്യതയില്ല.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
വേഗത്തില്‍ റണ്‍സ് നേടാന്‍ കഴിയുന്നതിനാല്‍ രോഹിത് ശര്‍മ്മയ്‌ക്കൊപ്പം യശസ്വി ജയ്‌സ്വാള്‍ തന്നെ ഓപ്പണിംഗിന് ഇറങ്ങിയേക്കും. മോശം ഫോമിലാണെങ്കിലും ശുഭ്മാന്‍ ഗില്ലിന് ഒരവസരം കൂടി നല്‍കാനാണ് സാധ്യത. വിരാട് കോഹ്ലി കളിച്ച നാലാം നമ്പറിലേക്കാണ് ആരാധകര്‍ ഉറ്റുനോക്കുന്നത്. സര്‍ഫറാസ് ഖാനും രജത് പട്ടിദാറും നാലാം നമ്പറിനായി മത്സരിക്കുന്നു.
