സ്പോർട്സ് ഡെസ്ക്ക് : ഇന്ത്യൻ സൂപ്പർ ലീഗില്‍ മോഹൻ ബഗാന് മികച്ച വിജയം. ഇന്ന് നോർത്ത് ഈസ്റ്റിനെ നേരിട്ട മോഹൻ ബഗാൻ രണ്ടിനെതിരെ നാലു ഗോളുകള്‍ക്ക് ആണ് വിജയിച്ചത്.മലയാളി താരം സഹല്‍ അബ്ദുല്‍ സമദ് ഇന്ന് മോഹൻ ബഗാനായി ഗോളുമായി തിളങ്ങി. ഇന്ന് തുടക്കത്തില്‍ ആറാം മിനുട്ടില്‍ ഒരു പെനാള്‍ട്ടിയിലൂടെ നോർത്ത് ഈസ്റ്റ് ആണ് ലീഡ് എടുത്തത്. ജൂറിച് ആയിരുന്നു ഗോള്‍ നേടിയത്.
ആദ്യ പകുതിയുടെ അവസാന നിമിഷങ്ങളില്‍ രണ്ട് ഗോളുകള്‍ നേടിക്കൊണ്ട് മോഹൻ ബഗാൻ ലീഡിലേക്ക് വന്നു. ആദ്യം കൗകോയുടെ അസിസ്റ്റില്‍ നിന്ന് ലിസ്റ്റണ്‍ കൊളാസോയുടെ ഗോള്‍ സമനില ഗോള്‍ നേടി. പിന്നാലെ കമ്മിംഗ്സിന്റെ ഫിനിഷില്‍ ബഗാൻ ലീഡില്‍ എത്തി.50ആം മിനുട്ടില്‍ ജുറിചിലൂടെ വീണ്ടും നോർത്ത് ഈസ്റ്റ് ഒപ്പമെത്തി. 2-2. ആ സമനില അധികം നീണ്ടു നിന്നില്ല. 53ആം മിനുട്ടില്‍ പെട്രാറ്റോസിലൂടെ ബഗാൻ വീണ്ടും ലീഡില്‍ എത്തി. 57ആം മിനുട്ടില്‍ ആയിരുന്നു സഹല്‍ അബ്ദുല്‍ സമദിന്റെ ഗോള്‍.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇതോടെ അവരുടെ വിജയം ഉറപ്പായി. സഹലിന്റെ ബഗാനായുള്ള ആദ്യ ഐ എസ് എല്‍ ഗോളാണിത്.ഈ ജയത്തോടെ 29 പോയിന്റുമായി മോഹൻ ബഗാൻ ലീഗില്‍ രണ്ടാം സ്ഥാനത്ത് എത്തി. 16 പോയിന്റുമായി നോർത്ത് ഈസ്റ്റ് ഏഴാം സ്ഥാനത്ത് നില്‍ക്കുകയാണ്.
