ദുബായ്: ഏകദിനത്തില്‍ ഫീല്‍ഡിങ്ങില്‍ പുതിയ റെക്കോർഡുമായി ഇന്ത്യൻ സൂപ്പർതാരം വിരാട് കോഹ്ലി. ചാമ്ബ്യൻസ് ട്രോഫിയില്‍ ബംഗ്ലാദേശിനെതിരെയുള്ള മത്സരത്തില്‍ നേടിയ രണ്ട് ക്യാച്ചുകള്‍ക്ക് പിന്നാലെയാണ് കോഹ്ലി ഈ നേട്ടം സ്വന്തമാക്കിയത്.ഏകദിനത്തില്‍ ഫീല്‍ഡർ എന്ന നിലയില്‍ ഏറ്റവും കൂടുതല്‍ ക്യാച്ചുകള്‍ നേടുന്ന ഇന്ത്യൻ താരമായി മാറാനാണ് വിരാടിന് സാധിച്ചത്. 156 ക്യാച്ചുകളാണ് കോഹ്ലി ഏകദിനത്തില്‍ നേടിയിട്ടുള്ളത്. ഇതോടെ ഇത്ര തന്നെ ക്യാച്ചുകള്‍ നേടിയ മുൻ ഇന്ത്യൻ ക്യാപ്റ്റൻ മുഹമ്മദ് അസറുദീന്റെ റെക്കോർഡിനൊപ്പമെത്താനും കോഹ്‌ലിക്ക് സാധിച്ചു. 140 ക്യാച്ചുകള്‍ നേടിയ സച്ചിൻ ടെണ്ടുല്‍ക്കറാണ് ഈ നേട്ടത്തില്‍ മൂന്നാം സ്ഥാനത്തുള്ളത്.
124 ക്യാച്ചുകളുമായി രാഹുല്‍ ദ്രാവിഡും 122 ക്യാച്ചുകളുമായി സുരേഷ് റെയ്‌നയുമാണ് യഥാക്രമം നാലും അഞ്ചും സ്ഥാനങ്ങളില്‍ ഉള്ളത്. മത്സരത്തില്‍ ആദ്യം ബാറ്റ് ചെയ്ത ബംഗ്ലാദേശ് 49.4 ഓവറില്‍ 228 റണ്‍സിനാണ് പുറത്തായത്. മറുപടി ബാറ്റിങ്ങിൽ ഗില്ലിൻ്റെ സെഞ്ച്വറി മികവിൽ ഇന്ത്യ 46 ഓവറിൽ വിജയ ലക്ഷ്യം മറികടന്നു. ഇന്ത്യൻ ബൗളിങ്ങില്‍ അഞ്ചു വിക്കറ്റുകള്‍ നേടി മുഹമ്മദ് ഷമി മിന്നും പ്രകടനമാണ് നടത്തിയത്. ഷമിക്ക് പുറമെ ഹർഷിദ് റാണ മൂന്ന് വിക്കറ്റും അക്‌സർ പട്ടേല്‍ രണ്ട് വിക്കറ്റും നേടി നിർണായകമായി.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സെഞ്ച്വറി നേടിയ തൗഹിദ് ഹൃദോയുടെ കരുത്തിലാണ് ബംഗ്ലാദേശ് മാന്യമായ സ്കോറിലേക്ക് നീങ്ങിയത്. ആറ് ഫോറുകളും ഒരു സിക്‌സും ഉള്‍പ്പടെ 118 പന്തില്‍ 100 റണ്‍സാണ് താരം നേടിയത്. ജാക്കർ അലി അർദ്ധ സെഞ്ച്വറിയും നേടി. 114 പന്തില്‍ 64 റണ്‍സാണ് താരം നേടിയത്. നാല് ഫോറുകളാണ് താരത്തിന്റെ ബാറ്റില്‍ നിന്നും പിറന്നത്.
