പെർത്ത് : പെർത്തിലെ പോരാട്ടത്തിൽ ഇന്ത്യയെ ഡ്രൈവിങ് സീറ്റിൽ എത്തിച്ച് ജയ്സ്വാൾ മടങ്ങി. ഇരട്ട സെഞ്ച്വറിയിലേക്ക് കുതിച്ച ജയ്സ്വാളിനെ മിച്ചൽ മാർഷിൻ്റെ പന്തിൽ സ്റ്റീവ് സ്മിത്ത് പിടിച്ചാണ് പുറത്തായത്. 297 പന്ത് നേരിട്ട് മൂന്ന് സിക്സും 15 ഫോറും പറത്തിയ ജയ്സ്വാൾ 161 റണ്ണാണ് നേടിയത്. 98.3 മൂന്ന് ഓവറിൽ അഞ്ച് വിക്കറ്റ് നഷ്ടമാക്കിയ ഇന്ത്യ 324 നേടിയിട്ടുണ്ട്. 370 ലീഡാണ് ടീം ഇന്ത്യയ്ക്ക് ഇപ്പോൾ ഉള്ളത്. 313 ന് മൂന്ന് എന്ന നിലയിൽ നിന്ന ഇന്ത്യയ്ക്ക് എട്ട് റൺ എടുക്കുന്നതിനിടയിൽ ഇതിനോടകം മൂന്ന് വിക്കറ്റ് നഷ്ടമായിട്ടുണ്ട്. ജയ്സ്വാളിന് പിന്നാലെ പന്തും (1) ജുവറലും (1) പുറത്തായി. പന്തിനെ ലയോണിൻ്റെ പന്തിൽ അലക്സ് കാരി സ്റ്റമ്പ് ചെയ്ത് പുറത്താക്കി. പാറ്റ് കമ്മിൻസിൻ്റെ പന്തിൽ വിക്കറ്റിന് മുന്നിൽ കുടുങ്ങിയാണ് ജുവറൽ പുറത്തായത്. കോഹ്ലിയും (18) വാഷിങ്ടൺ (1) സുന്ദരും ആണ് നിലവിൽ ക്രീസിൽ.
