ഇന്ദ്രജിത്ത് നായകനാകുന്ന ഏറ്റവും പുതിയ ചിത്രം ‘ഞാൻ കണ്ടതാ സാറേ’യുടെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. നവാഗതനായ വരുൺ ജി പണിക്കർ സംവിധാനം ചെയ്യുന്ന ചിത്രത്തിൽ നായികയായി എത്തുന്നത് ആര്യയാണ്.
ബൈജു സന്തോഷ്, അനൂപ് മേനോൻ, അലൻസിയർ, സാബുമോൻ, അർജുൻ നന്ദകുമാർ, ദീപു കരുണാകരൻ, സുരേഷ് കൃഷ്‍ണ, ബിജു പപ്പൻ, ബാലാജി ശർമ്മ, മല്ലിക സുകുമാരൻ, അഞ്ജന അപ്പുക്കുട്ടൻ, എന്നിവരും ചിത്രത്തിൽ അഭിനയിക്കുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഹൈലൈൻ പിക്‌ചേഴ്‌സിന്റെയും ലെമൺ പ്രൊഡക്ഷൻസിന്റേയും ബാനറിൽ പ്രകാശ് ഹൈലയിനും പ്രശസ്‍ത സംവിധായകൻ ദീപു കരുണാകരനും ചേർന്ന് ആണ് ചിത്രം നിമ്മിക്കുന്നത്. കോ പ്രൊഡ്യൂസർ ബാബു ആർ എക്‌സിക്യൂട്ടീവ് പ്രൊഡ്യൂസർ അമീർ അബ്‍ദുൾ അസീസ്.
പ്രശാന്ത് കൃഷ്‍ണയാണ് ചിത്രത്തിന്റെ ഛായാഗ്രാഹണം. രചന അരുൺ കരിമുട്ടാണ്. രാഹുല്‍ രാജ് സംഗീത സംവിധാനം നിര്‍വഹിക്കുന്ന ‘ഞാൻ കണ്ടതാ സാറേ’യുടെ മാർക്കറ്റിംഗ് ഒബ്‍സ്ക്യൂറ എന്റർടൈൻമെന്റും പിആര്‍ഒ വാഴൂര്‍ ജോസും ആണ്.
അതേസമയം, തുറമുഖമാണ് ഇന്ദ്രജിത്ത് അഭിനയിച്ചതില്‍ ഒടുവില്‍ പ്രദര്‍ശനത്തിനെത്തിയ സിനിമ. നിവിൻ പോളിയായിരുന്നു ചിത്രത്തിലെ നായകൻ. രാജീവ് രവിയാണ് സംവിധാനം ചെയ്‍തത്.
