ന്യൂസ് ഡെസ്ക് : ഇൻ്റർ മിയാമി സൂപ്പർസ്റ്റാർ ലയണല്‍ മെസ്സി വ്യാഴാഴ്ച തൻ്റെ അർജൻ്റീന ബായ്‌ഹുഡ് ക്ലബ്ബായ ന്യൂവെല്‍സ് ഓള്‍ഡ് ബോയ്‌സുമായി ഏറ്റുമുട്ടി.മയാമിയുടെ ഹോം ഗ്രൌണ്ട് ആയ ഡിആർവി പിഎൻകെ സ്റ്റേഡിയത്തില്‍ വെച്ചായിരുന്നു മല്‍സരം.ഇരു കൂട്ടരും നിശ്ചിത സമയത്ത് ഓരോ ഗോള്‍ വീതം നേടി സമനിലയില്‍ പിരിഞ്ഞു.നീണ്ട കാലത്തെ ഇടവേളക്ക് ശേഷം മെസ്സി മയാമി ആദ്യ ഇലവനിലേക്ക് തിരിച്ചെത്തി.മെസ്സി ആദ്യമായി ഫൂട്ബോള്‍ കളിച്ച ക്ലബ് ആണ് ന്യൂവെല്‍സ് ഓല്‍ഡ് ബോയ്സ് ക്ലബ്.
ഗോള്‍ രഹിതമായ ആദ്യ പകുതിക്ക് ശേഷം, 64-ാം മിനിറ്റില്‍ ഷാനിഡർ ബോർഗെലിൻ്റെ ഗോളില്‍ ഇൻ്റർ മിയാമി 1-0 ന് മുന്നിലെത്തി.ഫിന്നിഷ് മിഡ്ഫീല്‍ഡർ റോബർട്ട് ടെയ്‌ലറുടെ പെർഫെക്റ്റ് കോർണർ കിക്ക് ഹെയ്തിയൻ ഫോർവേഡ് ഒരു മികച്ച ഹെഡറിലൂടെ സ്കോറിങ് തുറന്നു.83-ാം മിനിറ്റില്‍ അർജൻ്റീനിയൻ മിഡ്ഫീല്‍ഡർ ഫ്രാങ്കോ മാർട്ടിൻ ഡയസിൻ്റെ ഗോളില്‍ ന്യൂവെല്‍ സമനില പിടിച്ചു.അടുത്ത മല്‍സരം മയാമിക്ക് ഉള്ളത് എമെല്‍എസ് ആണ്.അവരുടെ ആദ്യ മല്‍സരത്തില്‍ ഇൻ്റർ മിയാമി ബുധനാഴ്ച റിയല്‍ സാള്‍ട്ട് ലേക്ക് ടീമിനെ സ്വന്തം മണ്ണിലേക്ക് സ്വാഗതം ചെയ്യുന്നു.
