ന്യൂസ് ഡെസ്ക് : ഇന്ത്യൻ പ്രീമിയർ ലീഗിൻ്റെ പുതിയ സീസണ്‍ ആരംഭിക്കാൻ ദിവസങ്ങള്‍ മാത്രം ബാക്കി നില്‍ക്കെ വൻ മാറ്റവുമായി സണ്റൈസേഴ്സ് ഹൈദരാബാദ്.ഓസ്‌ട്രേലിയൻ താരം പാറ്റ് കമ്മിൻസിനെ പുതിയ നായകനായി ടീം പ്രഖ്യാപിച്ചു. സോഷ്യല്‍ മീഡിയയിലൂടെയാണ് നായകമാറ്റം സണ്റൈസേഴ്സ് ഹൈദരാബാദ് അറിയിച്ചത്. “#ഓറഞ്ച് ആർമി! ഞങ്ങളുടെ പുതിയ നായകൻ പാറ്റ് കമ്മിൻസ്” എന്ന അടിക്കുറിപ്പോടെ ലോകകപ്പ് ജേതാവായ ഓസ്‌ട്രേലിയൻ നായകൻ്റെ ചിത്രം പങ്കുവെച്ചാണ് ടീം പ്രഖ്യാപനം നടത്തിയത്.
ദക്ഷിണാഫ്രിക്കൻ താരം എയ്ഡൻ മാർക്രമായിരുന്നു സണ്‍റൈസേഴ്‌സിൻ്റെ മുൻ നായകൻ. ഐപിഎല്‍ താരലേലത്തില്‍ 20.5 കോടി രൂപയ്ക്കാണ് കമ്മിൻസിനെ എസ്‌ആർഎച്ച്‌ ടീമിലെത്തിച്ചത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
വൻ താരനിരയുമായാണ് സണ്റൈസേഴ്സ് ഹൈദരാബാദ് ഇത്തവണ പോരിനിറങ്ങുന്നത്. പാറ്റ് കമ്മിൻസ്, ട്രാവിസ് ഹെഡ്, ഐഡൻ മാർക്രം, ഗ്ലെൻ ഫിലിപ്പ്, ഹെൻറിച്ച്‌ ക്ലാസ്സെൻ, മാർക്കോ ജാൻസെൻ തുടങ്ങിയ വമ്ബൻ താരങ്ങള്‍ ടീമില്‍ അണിനിരക്കുന്നു. മാർച്ച്‌ 23ന് കൊല്‍ക്കത്ത നൈറ്റ് റൈഡേഴ്സിനെയാണ് എസ്‌ആർഎച്ച്‌ നേരിടുക.
