ന്യൂഡൽഹി: അയർലൻഡിനെതിരായ ട്വന്റി 20 പരമ്പരയ്ക്കുള്ള ഇന്ത്യൻ ടീമിൽ സഞ്ജു സാംസണും. പരിക്കിൽ നിന്ന് മുക്തനായി മടങ്ങിയെത്തിയ ജസ്പ്രീത് ബുംറ നയിക്കുന്ന ടീമിൽ ഇന്ത്യയ്ക്കായി നിരവധി യുവതാരങ്ങളും മത്സരിക്കും. ഐപിഎല്ലിലൂടെ മികവ് തെളിയിച്ച റിതുരാജ് ഗേദ് വാഗാണ് ടീമിന്റെ വൈസ് ക്യാപ്റ്റൻ. വിക്കറ്റ് കീപ്പർമാരായി സഞ്ജു സാംസണെയും, ജിതേഷ് ശർമ്മയെയുമാണ് ഉൾപ്പെടുത്തിയിരിക്കുന്നത്. അതുകൊണ്ടു തന്നെ സഞ്ജുവിന് അന്തിമ ഇലവനിൽ ഇടം കിട്ടാനുള്ള സാധ്യത ഏറെയാണ് എന്നും വിലയിരുത്തപ്പെടുന്നു. യശസ്വി ജയ്‌സ്വാൾ, തിലക് വർമ്മ, റിങ്കു സിംങ്, ശിവം ദുബൈ, വാഷിംങ്ടൺ സുന്ദർ, ഷഹബാസ് അഹമ്മദ്, രവി ബിഷ്‌ണോയ്, പ്രദീഷ് കൃഷ്ണ, അർഷർദീപ് സിംങ്, മുകേഷ് കുമാർ, ആവേശ് ഖാൻ എന്നിവരാണ് ടീമിൽ ഉൾപ്പെട്ടിരിക്കുന്നത്.
Advertisements
