വൈക്കം മുഹമ്മദ് ബഷീർ സ്മാരക വൊക്കേഷണൽ ഹയർ സെക്കൻഡറി സ്കൂളിൻ്റെ സപ്‌തദിന സഹവാസ ക്യാമ്പിനോടനുബന്ധിച്ച് അമൃത് മിഷനുമായി സഹകരിച്ച് നടത്തിയ ജലം ജീവിതം പ്രോജക്ടിൻ്റെ ഭാഗമായി ഉദയനാപുരത്ത് തെരുവ് നാടകം നടത്തി. തുടർന്ന് പദയാത്ര, ജലശപഥം, ജലസ്രോതസ്സുകളുടെ സമീപത്തുള്ള പ്ലാസ്റ്റിക് ശേഖരണം എന്നിവ പൊതുജനങ്ങളുമായി സഹകരിച്ച് നടത്തി.
Advertisements
ജലസ്രോതസ്സുകൾ മലിനമാക്കുന്നതിനെതിരെയും ജലദുരുപയോഗത്തിനെതിരെയും ബോധവൽക്കരണവും സംഘടിപ്പിച്ചു. ബോധവൽക്കരണ പരിപാടി വൈക്കം നഗരസഭ കൗൺസിലർ എൻ .അയ്യപ്പൻ ഉദ്ഘാടനം ചെയ്തു. പ്രോഗ്രാം ഓഫീസർ വി. വിദ്യ, അധ്യാപകരായ എസ്.സൂറത്ത്, ഭാവനഗോപി, പ്രിൻസ്, രവീഷ് എന്നിവർ പ്രസംഗിച്ചു.
