ജമ്മുകശ്മീർ നിയമസഭ തെരഞ്ഞെടുപ്പ് പ്രഖ്യാപിച്ച സാഹചര്യത്തില്‍ ആദ്യഘട്ട സ്ഥാനാർത്ഥി പട്ടിക പുറത്തിറക്കി ബിജെപി. 44 അംഗ സ്ഥാനാർത്ഥി പട്ടികയാണ് ആദ്യഘട്ടത്തില്‍ പുറത്തിറക്കിയിരിക്കുന്നത്. സ്ഥാനാർത്ഥി പട്ടികയ്‌ക്ക് അന്തിമ രൂപം നല്‍കാൻ ബിജെപി കേന്ദ്ര തെരഞ്ഞെടുപ്പ് സമിതി ഇന്നലെ യോഗം ചേർന്നിരുന്നു.
Advertisements
44 അംഗ സ്ഥാനാർത്ഥി പട്ടികയില്‍ 15 പേർ ആദ്യ ഘട്ടത്തില്‍ മത്സരിക്കുന്നവരാണ്. 10 പേർ രണ്ടാം ഘട്ടത്തിലും 19 പേർ മൂന്നാം ഘട്ടത്തിലും ജനവധി തേടും. സെപ്റ്റംബർ 18, 23, ഒക്ടോബർ ഒന്ന് എന്നിങ്ങനെ മൂന്ന് ഘട്ടമായാണ് ജമ്മുകശ്മീരില്‍ നിയമസഭാ തെരഞ്ഞെടുപ്പ് നടക്കുന്നത്. ഒക്ടോബർ നാലിനാണ് വോട്ടെണ്ണല്‍.
