സിനിമ ഡെസ്ക് : പ്രേക്ഷകരുടെ കാത്തിരിപ്പിനൊടുവില്‍ ജയറാമിന്റെ ഓസ്ലര്‍ ഒടിടിയില്‍ എത്തി. പ്രേമലു അടക്കമുള്ള ഹിറ്റ് ചിത്രങ്ങളൊക്കെ ഈ ആഴ്ച ഒടിടി പ്ലാറ്റ്‌ഫോമിലെത്തുമെന്നാണ് പുറത്തു വരുന്ന റിപ്പോര്‍ട്ടുകള്‍. 2024 ൽ സിനിമ പ്രേമികൾ ഏറെ ആകാംക്ഷയോടെ കാത്തിരുന്ന ചിത്രമായിരുന്നു എബ്രഹാം ഓസ്‌ലർ.’അഞ്ചാം പാതിര’യ്ക്ക് ശേഷം ജയറാമിനെ നായകനാക്കി മിഥുൻ മാനുവൽ തോമസ് സംവിധാനം ചെയ്ത സിനിമയാണ് ‘എബ്രഹാം ഓസ്‌ലർ’.ചിത്രം 2024 ജനുവരി 11ന് തിയേറ്ററുകളിൽ എത്തി. തിയേറ്ററുകളിൽ നിന്ന് മികച്ച പ്രകടനം നേടിയ സിനിമ ഇപ്പോൾ ott റിലീസ് ആയിരിക്കുക ആണ്.ഡിസ്‌നി ഹോട്ട്സ്റ്റാറിൽ ആണ് സിനിമ റിലീസ് ആയത് ഒരു മെഡിക്കൽ ഇൻവെസ്റ്റിഗേഷൻ സിനിമ ആയിട്ട് ആണ് ഇത് ഒരുക്കിയത്.ചിത്രത്തിൽ ജയറാമിനെ കൂടാതെ മമ്മൂട്ടിയും ചിത്രത്തിൽ ഗസ്റ്റ്‌ റോളിൽ വരുന്നുണ്ട്. ഏറെ നാളുകൾക്ക് ശേഷമുള്ള മലയാള സിനിമയിലേക്കുള്ള ജയറാമിന്റെ തിരിച്ചുവരവ് കൂടി ആയിരുന്നു ഈ ചിത്രം. ഇതിന് പിന്നാലെ പ്രേമലുവും ഉടൻ തന്നെ ott വരും എന്നാണ് റിപ്പോർട്ടുകൾ.ഗിരീഷ് എ.ഡി സംവിധാനം ചെയ്ത “പ്രേമലു”. ആഗോള ബോക്സ് ഓഫീസിൽ നിന്ന് ചിത്രം വൻ കുതിപ്പാണ് നേടി എടുത്തത്.നസ്‌ലിൻ- മമിത എന്നിവരെ പ്രധാന കഥാപാത്രങ്ങൾ ആക്കിയാണ് ചിത്രം സംവിധാനം ചെയ്തിരുന്നത്.ചിത്രം ഉടൻ തന്നെ ഒടിടി റിലീസ് ആകും എന്നാണ് ലഭിക്കുന്ന വിവരം.ഹൈദരാബാദിന്റെ പശ്ചാത്തലത്തിൽ കഥ പറഞ്ഞ ചിത്രം തിയേറ്ററുകളിൽ നിന്ന് മികച്ച പ്രതികരണമാണ് ലഭിച്ചിരുന്നത്. തണ്ണീർമത്തൻ ദിനങ്ങൾ,സൂപ്പർ ശരണിയ എന്നീ ചിത്രങ്ങൾ സംവിധാനം ചെയ്ത ഗിരീഷ് എ.ഡി ആണ് ചിത്രം സംവിധാനം ചെയ്തത്.
പ്രേക്ഷകരുടെ കാത്തിരിപ്പിനൊടുവില്‍ എബ്രഹാം ഓസ്‌ലർ ഒടിടി റിലീസ് ആയി : പ്രേമലു ഉടൻ ഒടിടി റിലീസ് ആകും
