മേപ്പാടി: സ്ഥിരം കുറ്റവാളിയായ യുവാവിനെ കാപ്പ നിയമ പ്രകാരം നാട് കടത്തി. തൃക്കൈപ്പറ്റ നെല്ലിമാളം കുന്നത്ത് വീട്ടില്‍ സി. ഉണ്ണികൃഷ്ണനെ(31)യാണ് വയനാട് ജില്ലയില്‍ നിന്നും നാട് കടത്തിയത്. സൈബർ കുറ്റകൃത്യങ്ങള്‍ക്ക് പുറമെ മീനങ്ങാടി, മേപ്പാടി എന്നീ സ്റ്റേഷനുകളിലും ഇയാള്‍ക്കെതിരെ കേസുകളുണ്ട്. കേരള സാമൂഹ്യ വിരുദ്ധ പ്രവർത്തനങ്ങള്‍ (തടയല്‍) നിയമം വകുപ്പ് പ്രകാരമാണ് ജില്ലയില്‍ നിന്നും ഒരു വർഷത്തേക്ക് ഇയാളെ നാടുകടത്തിയത്.
ഉത്തരവ് ലംഘിച്ചാല്‍ മൂന്നു വർഷം വരെ തടവു ശിക്ഷ ലഭിക്കാവുന്ന കുറ്റമാണ്. ജില്ല പൊലീസ് മേധാവി തപോഷ് ബസുമതാരി സമർപ്പിച്ച റിപ്പോർട്ടിന്റെ അടിസ്ഥാനത്തില്‍ കണ്ണൂർ മേഖല ഡി.ഐ.ജി യതീഷ് ചന്ദ്രയുടെ ഉത്തരവ് പ്രകാരമാണ് നടപടി. മറ്റൊരു സംഭവത്തില്‍ ആലപ്പുഴയില്‍ വീട്ടുമുറ്റത്ത് നിന്ന് പുത്തൻ ബൈക്ക് അടിച്ചുമാറ്റിയ 25കാരനെ മണിക്കൂറുകള്‍ക്കുള്ളില്‍ പൊലീസ് പിടികൂടി.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ആര്യാട് തെക്ക് കളരിക്കല്‍വെളി വീട്ടില്‍ അശ്വിൻ ഒരാഴ്ച മുൻപ് വാങ്ങിയ ബൈക്കാണ് കഴഞ്ഞ ദിവസം വീട്ടില്‍ നിന്ന് മോഷണം പോയത്. തുടർന്ന് നല്‍കിയ പരാതിയില്‍ കേസെടുക്കുകയും സ്ഥലത്തെ സിസിടിവി പരിശോധിച്ച്‌ നടത്തിയ അന്വേഷണത്തില്‍ പ്രതിയെ ഉടൻ തിരിച്ചറിയുകയായിരുന്നു.
