ഒഡീഷ : ഭുവനേശ്വറിലെ കലിംഗ സ്‌റ്റേഡിയത്തില്‍ നടന്ന മത്സരത്തില്‍ ജംഷഡ്‌പൂരിനോട് 2-3ന് തോറ്റതിന് പിന്നാലെ സൂപ്പര്‍ കപ്പില്‍ മുന്നേറാനുള്ള കേരള ബ്ലാസ്റ്റേഴ്‌സിന്റെ പ്രതീക്ഷ തിങ്കളാഴ്ച നിലച്ചു.മത്സരത്തില്‍ മൂന്ന് പെനാല്‍റ്റികള്‍ നേടുകയും ഒരു ചുവപ്പ് കാര്‍ഡ് കാണുകയും ചെയ്തു, അവസാനം ജംഷഡ്പൂര്‍ സെമിയിലേക്ക് മുന്നേറി.29-ാം മിനിറ്റില്‍ പെനാല്‍റ്റിയിലൂടെ ദിമിട്രിയോസ് ഡയമന്റകോസ് ബ്ലാസ്റ്റേഴ്‌സിനായി സ്‌കോറിംഗ് തുറന്നെങ്കിലും നാല് മിനിറ്റിനുള്ളില്‍ ഡാനിയല്‍ ചിമ സമനില പിടിച്ചു.57-ാം മിനിറ്റില്‍ ചിമ ജംഷഡ്പൂരിനെ മുന്നിലെത്തിച്ചെങ്കിലും നാല് മിനിറ്റിനുള്ളില്‍ മറ്റൊരു പെനാല്‍റ്റി കിക്കിലൂടെ ഡയമന്റകോസ് സമനില പിടിച്ചു. 69-ാം മിനിറ്റില്‍ പെനാല്‍റ്റിയിലൂടെ മാൻസോറോയാണ് ജംഷഡ്പൂരിന്റെ വിജയഗോള്‍ നേടിയത്. ശനിയാഴ്ച നടക്കുന്ന ഗ്രൂപ്പ് മത്സരത്തില്‍ കേരള ബ്ലാസ്റ്റേഴ്‌സ് നോര്‍ത്ത് ഈസ്റ്റ് യുണൈറ്റഡിനെ നേരിടും.
