കമൽഹാസന്റെ നിർമ്മാണത്തിൽ ബിഗ് ബജറ്റ് ചിത്രം വരുന്നു ; ‘എസ്.ടി.ആർ 48’ ൽ നായകനാകുക ചിമ്പു

കമൽ ഹാസനും ആർ മഹേന്ദ്രനും ചേർന്ന് നിർമിക്കുന്ന പുതിയ ചിത്രത്തിൽ ചിമ്പു നായകൻ. രാജ് കമൽ ഫിലിംസ് ഇന്റർനാഷണലിന്റെ ബാനറിലാണ് ഇനിയും പേരിട്ടിട്ടില്ലാത്ത ചിത്രം പുറത്തിറങ്ങുക.

എന്നാൽ എസ്.ടി.ആർ 48 എന്ന് ചിത്രത്തിന് താൽക്കാലികമായി പേര് നൽകിയിട്ടുണ്ട്. ബ്ലഡ് ആൻഡ് ബാറ്റിൽ എന്നാണ് ചിത്രത്തിന്റെ ടാ​ഗ് ലൈൻ. രാജ് കമൽ ഫിലിംസ് ട്വിറ്ററിലൂടെയാണ് സിനിമ പ്രഖ്യാപിച്ചത്. ഒരു അനൗൺസ്മെന്റ് വീഡിയോയും അവർ പുറത്തിറക്കിയിട്ടുണ്ട്.

കണ്ണും കണ്ണും കൊള്ളയടിത്താൽ എന്ന ദുൽഖർ സൽമാൻ ചിത്രത്തിന്റെ സംവിധായകനായ ദേസിം​ഗ് പെരിയസാമിയാണ് എസ്.ടി.ആർ 48 സംവിധാനം ചെയ്യുന്നത്. ചിത്രവുമായി ബന്ധപ്പെട്ട് കൂടുതൽ വിവരങ്ങൾ അറിവായിട്ടില്ല.

നിലവിൽ ഇന്ത്യൻ 2 എന്ന ചിത്രത്തിന്റെ തിരക്കുകളിലാണ് കമൽ ഹാസൻ.