കണ്ണൂർ: വള്ളിത്തോടില്‍ നിയന്ത്രണം വിട്ടെത്തിയ ജീപ്പ് നിർത്തിയിട്ട ഓട്ടോയിലിടിച്ച് അപകടം. അപകടത്തിൽ നാലുപേർക്ക് പരിക്കേറ്റു. ഓട്ടോ ഡ്രൈവർമാർക്കും കാല്‍ നടയാത്രക്കാർക്കും ഉള്‍പ്പെടെയാണ് പരിക്കേറ്റത്. രാവിലെ എട്ടരയോടെയായിരുന്നു അപകടം ഉണ്ടായത്.
Advertisements
വള്ളിത്തോട് ടൗണിലായിരുന്നു സംഭവം. കർണാടക ഭാഗത്തുനിന്ന് ഇരിട്ടി ഭാഗത്തേക്ക് വരികയായിരുന്ന ജീപ്പാണ് അപകടത്തില്‍ പെട്ടത്. നിർത്തിയിട്ടിരുന്ന നാലു ഓട്ടോകളിലേക്ക് ജീപ്പ് ഇടിച്ചു കയറുകയായിരുന്നു. ഈ സമയത്ത് സമീപത്ത് കൂടെ നടന്നുപോവുകയായിരുന്ന കാല്‍നടക്കാരനും പരിക്കേറ്റു. പരിക്കേറ്റ നാലുപേരേയും ഇരിട്ടിയിലേയും കണ്ണൂരിലേയും ആശുപത്രികളില്‍ പ്രവേശിപ്പിച്ചു.
