മട്ടന്നൂർ: കണ്ണൂർ അന്താരാഷ്ട്ര വിമാനത്തോടുള്ള അവഗണനയില്‍ പ്രതിഷേധിച്ച്‌ കരിയാട്ടെ സാമൂഹിക പ്രവർത്തകനായ ഷംസു പടന്നക്കരയുടെ വേറിട്ട പ്രതിഷേധം. 20 കിലോമീറ്റർ ഒറ്റയ്ക്ക് പദയാത്ര നടത്തിയായിരുന്നു ഷംസു പ്രതിഷേധിച്ചത്. തിങ്കളാഴ്ച മട്ടന്നൂരില്‍ നിന്നും വിമാനത്താവളം വരെയായിരുന്നു ഒറ്റയ്ക്കുള്ള പദയാത്ര നടത്തിയത്. കണ്ണൂർ വിമാനത്താവളത്തിലേക്ക് വിദേശ രാജ്യങ്ങളില്‍ നിന്നുള്ള വിമാനങ്ങള്‍ എത്താത്തത് പ്രവാസികളെ വലയ്ക്കുന്നുവെന്നായിരുന്നു ഷംസു പ്രതിഷേധത്തില്‍ വിശദമാക്കിയത്. ഉത്തര മലബാറിന് ചിറക് നല്‍കുമെന്ന പ്രതീക്ഷയോടെ ആരംഭിച്ച കണ്ണൂർ വിമാനത്തിലേക്ക് പ്രതീക്ഷിച്ച പോലെ വിമാന സർവ്വീസുകള്‍ തുടങ്ങിയിരുന്നില്ല. ടിക്കറ്റ് നിരക്കിലുണ്ടായ വൻ വർധനയും കണ്ണൂർ വിമാനത്താവളത്തെ യാത്രക്കാരില്‍ നിന്ന് അകറ്റിയിരുന്നു.
Advertisements
