സ്കൂളിന്റെ ഏഴാം വാർഷികത്തോടനുബന്ധിച്ച് വിവിധ മേഖലയിൽ ചെസ്സിനെ ജനപ്രിയമാക്കുവാൻ കാപ്പാബ്ലാങ്ക ചെസ്സ് ഫൗണ്ടേഷനും ആരംഭിച്ചു
തിരുവനന്തപുരം 31-3-2023: കാപ്പബ്ലാങ്ക ചെസ്സ് സ്കൂളിന്റെ ഏഴാം വാർഷികത്തോടനുബന്ധിച്ച് സി. സി. എസ് ചെസ്സ് ഫെസ്റ്റിവൽ 2023 ആരംഭിച്ചു. മാർച്ച് 30 മുതൽ ഏപ്രിൽ 6 വരെ തിരുവനന്തപുരം ജിമ്മി ജോർജ് ഇൻഡോർ സ്റ്റേഡിയത്തിൽ വച്ച് ചെസ്സ് ഫെസ്റ്റിവൽ നടക്കും. ഫിഡെ റേറ്റഡ് ടൂർണമെന്റ് ആയ സി. സി. എസ് ചെസ്സ് ഫെസ്റ്റിവലിൽ മികച്ച പ്രകടനം നടത്തുന്നവർക്കായി 25 ലക്ഷം രൂപ വിലവരുന്ന സമ്മാനങ്ങളാണ് നൽകുന്നത്. സൂര്യ സ്റ്റേജ് ആൻഡ് ഫിലിം സൊസൈറ്റിയുടെ സ്ഥാപക-സംവിധായകൻ സൂര്യ കൃഷ്ണമൂർത്തി, ടോപ് സീഡ് ഇന്റർനാഷണൽ മാസ്റ്റർ കൊങ്ങുവെൽ പൊന്നുസ്വാമിക്കെതിരെ ചെസ്സ് കളിച്ച് ടൂർണമെന്റ് ഉദ്ഘാടനം ചെയ്തു
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
“ചെസ്സിനെ ഇത്രയും വലിയ രീതിയിൽ പ്രോത്സാഹിപ്പിക്കുന്ന കാപ്പാബ്ലാങ്ക ചെസ്സ് സ്കൂൾ അഭിനന്ദനമർഹിക്കുന്നുവെന്ന് ” സ്റ്റേജ് ആൻഡ് ഫിലിം സൊസൈറ്റിയുടെ സ്ഥാപക ഡയറക്ടർ സൂര്യ കൃഷ്ണമൂർത്തി പറഞ്ഞു.
സി സി എസ് ചെസ്സ് ഫെസ്റ്റിവൽ വഴി ലോകമെമ്പാടുമുള്ള കളിക്കാർക്കും പരിശീലകർക്കും ഒത്തുചേരുവാനുള്ള അവസരമാണ്. ഫിഡെ റേറ്റഡ് ടൂർണമെന്റ് ആയ ചെസ്സ് ഫെസ്റ്റിവലിൽ മികച്ച പ്രകടനം കാഴ്ചവയ്ക്കുന്നവർക്ക് 25 ലക്ഷം രൂപ വരുന്ന ക്യാഷ് പ്രൈസുകളും മറ്റനുബന്ധ അവാർഡുകളും നൽകും. 18 സംസ്ഥാനങ്ങളിൽ നിന്നുള്ള വിവിധ കളിക്കാരുടെ പങ്കാളിത്തം ടൂർണമെന്റിന് ദേശീയ നേടിക്കൊടുത്തു.
ആവേശകരമായ ടൂർണമെന്റുകൾക്ക് പുറമേ, കാപാബ്ലാങ്ക ചെസ് സ്കൂളിലെ ഹിപ്നോതെറാപ്പിസ്റ്റ് ചീഫ് അഡ്വൈസർ ഡോ. മാർട്ടിൻ പയ്യപ്പിള്ളിയും ചെസ് അസോസിയേഷൻ ഓഫ് ട്രിവാൻഡ്രം സെക്രട്ടറിയും ചെസ് അസോസിയേഷൻ കേരള ജോയിന്റ് സെക്രട്ടറിയുമായ രാജേന്ദ്രൻ ആചാരിയും ചേർന്ന് ചടങ്ങിൽ കാപാബ്ലാങ്ക ചെസ്സ് ഫൗണ്ടേഷന്റെ ഉദ്ഘാടനം നിർവഹിച്ചു.. കൂടാതെ, മെയ് മാസത്തിൽ നടത്താൻ നിശ്ചയിച്ചിരിക്കുന്ന ‘ബിലോ – 1600’ ന്റെ ലോഞ്ചും നടന്നു, ഗ്രൂപ്പ് ഓഫ് ടെക്നോളജി കമ്പനികളുടെ സിഇഒ വിഷ്ണു നായർ ഇവന്റ് ബ്രോഷർ കാപ്പബ്ലാങ്ക ചെസ് സ്കൂൾ പ്രിൻസിപ്പൽ ശ്രീകുമാർ. പി ക്ക് നൽകി.
“ചെസ്സ് മേഖലയിലെ ഗവേഷണം പ്രോത്സാഹിപ്പിക്കുന്നതിനും, പ്രത്യേകിച്ച് കേരളത്തിലെ ജുവനൈൽ ഹോമുകളിൽ, ഒരു സാമൂഹിക പുനരധിവാസ പരിപാടിയായി ചെസ്സിനെ മാറ്റാനുള്ള കാഴ്ചപ്പാടോടെയാണ് കാപബ്ലാങ്ക ചെസ്സ് ഫൗണ്ടേഷൻ രൂപീകരിച്ചത്. സ്‌പോൺസർഷിപ്പുകൾ, സഹായങ്ങൾ എന്നിവയിലൂടെ, ഫൗണ്ടേഷൻ പലരുടെയും ജീവിതത്തിൽ ഒരു നിർണായക പങ്ക് വഹിക്കുമെന്ന്” , ക്യാപബ്ലാങ്ക ചെസ് ഫൗണ്ടേഷൻ ഡയറക്ടർ സച്ചിൻ കെ സലിം പറഞ്ഞു.
ഫിഡെ റേറ്റഡ് ടൂർണമെന്റായ സി.സി. എസ് 2023ൽ. ക്ലാസിക്, റാപ്പിഡ്, ബ്ലിറ്റ്സ് എന്നീ മൂന്ന് വിഭാഗങ്ങളിലായാണ് ടൂർണമെന്റ് സംഘടിപ്പിച്ചത്.
സി. സി. എസ് 2023 ചെസ്സ് ഫെസ്റ്റിവൽ പ്രഖ്യാപിക്കുന്നതിൽ ഒരുപാട് സന്തോഷമുണ്ട്. ഇത് വഴി ഞങ്ങളുടെ വിദ്യാർത്ഥികളുടെയും ഇന്ത്യയിലെയും ലോകമെമ്പാടുമുള്ള മറ്റ് കളിക്കാരുടെയും കഴിവും നൈപുണ്യവും പ്രദർശിപ്പിക്കാനുള്ള അവസരമായി മാറുമെന്ന് കാപബ്ലാങ്ക ചെസ് സ്കൂൾ സ്ഥാപകനും സി. ഇ. ഒ. യുമായ വിജിൻ ബാബു എസ് പറഞ്ഞു. ഗെയിമിനെ പ്രോത്സാഹിപ്പിക്കുന്നതിനും കഴിവുള്ള കളിക്കാരെ പിന്തുണയ്ക്കുന്നതിനും ഞങ്ങൾ പ്രതിജ്ഞാബദ്ധരാണ്. ഈ വർഷത്തെ ഏറ്റവും പ്രതീക്ഷയോടെ കാത്തിരിക്കുന്ന ചെസ്സ് ഇവന്റുകളിലൊന്ന് എന്ന നിലയിൽ കളിക്കാർക്ക് മത്സരിക്കാനും പഠിക്കാനും ഗെയിമിനോടുള്ള അവരുടെ അഭിനിവേശം പങ്കിടുവാനുമുള്ള വേദിയായി ഇത് മാറുമെന്നും അദ്ദേഹം കൂട്ടിച്ചേർത്തു.
കാപാബ്ലാങ്ക പോലെത്തെ ചെസ്സ് സ്കൂൾ ഇന്ത്യയിൽ തന്നെ ഇതാദ്യമാണ്. ചെസ്സ് വിദ്യാഭ്യാസവും മറ്റനുബന്ധ വിജ്ഞാനങ്ങളും വിവിധ മൊഡ്യുളുകളായി തിരിച്ച് കാപാബ്ലാങ്ക വിദ്യാർത്ഥിക്കുകൾക്ക് നൽകുന്നു. 14 രാജ്യങ്ങളിൽ സാന്നിധ്യമുള്ള കാപബ്ലാങ്ക പതിനായിരത്തിലധികം വിദ്യാർത്ഥികളെ പരിശീലിപ്പിച്ചട്ടുണ്ട്. 2016ഇൽ കേരളത്തിൽ ആരംഭിച്ചത് മുതൽ ഇതുവരെ കേരളത്തിലുടനീളം 25-ലധികം ജില്ലാ, സംസ്ഥാന തല പരിപാടികൾ നടത്തി.