കാർത്തി നായകനായി ഏറ്റവും ഒടുവിൽ പ്രദർശനത്തിന് എത്തിയ ചിത്രമാണ് ‘സർദാർ’. പി എസ് മിത്രനാണ് ചിത്രം സംവിധാനം ചെയ്തത്. മികച്ച പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്. ഇപ്പോഴിതാ ‘സർദാറി’ന് രണ്ടാം ഭാഗവും വരുന്നുവെന്ന വാർത്തകളാണ് ആരാധകരെ ആവേശത്തിലാക്കുന്നത്. വൻ ഹിറ്റായി മാറിയ ‘സർദാറി’ന്റെ വിജയാഘോഷ ചടങ്ങിലാണ് രണ്ടാം ഭാഗത്തെ കുറിച്ചും വെളിപ്പെടുത്തിയത്. ‘സർദാറി’ലേതായി പ്രദർശിപ്പിച്ച ക്ലിപ്പിന്റെ അവസാനം കഥ രണ്ടാം ഭാഗത്തിലും തുടരും എന്ന് അറിയിക്കുകയായിരുന്നു.
ജി വി പ്രകാശ്‍ കുമാറാണ് സർദാറിന്റെ സംഗീത സംവിധാനം നിർവഹിച്ചിരിക്കുന്നത്. റൂബൻ എഡിറ്റിങ്ങും, ജോർജ്ജ് സി വില്യംസ് ഛായാഗ്രഹണവും നിർവഹിച്ചിരിക്കുന്നത്. ലക്ഷ്‍മൺ കുമാറാണ് ‘സർദാർ’ നിർമ്മിച്ചത്. പ്രിൻസ് പിക്‌ചേഴ്‌സിന്റെ ബാനറിൽ ആണ് ചിത്രത്തിന്റെ നിർമാണം. ഫോർച്യൂൺ സിനിമാസ് ആണ് ചിത്രം കേരളത്തിൽ വിതരണത്തിന് എത്തിച്ചത്. പി എസ് മിത്രൻ തന്നെയാണ് ചിത്രത്തിന്റെ തിരക്കഥയും എഴുതിയിരിക്കുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
തകർപ്പൻ വിജയങ്ങൾ നേടിയ ‘വിരുമൻ’, ‘പൊന്നിയിൻ സെൽവൻ’ എന്നീ ചിത്രങ്ങൾക്ക് ശേഷം എത്തിയ ‘സർദാറി’ൽ ഒരു സ്പൈ ആയിട്ടാണ് കാർത്തി ചിത്രത്തിൽ അഭിനയിക്കുന്നത്. വ്യത്യസ്‍ത ഗെറ്റപ്പുകളിൽ എത്തിയ കാർത്തിയുടെ മികച്ച പ്രകടനം പ്രേക്ഷകർ ഏറ്റെടത്തിരുന്നു. കാർത്തിയെ കൂടാതെ ചുങ്കെ പാണ്ഡെ, ലൈല, യൂകി സേതു, ദിനേശ് പ്രഭാകർ, മുനിഷ് കാന്ത്, യോഗ് ജേപ്പീ, മൊഹമ്മദ്അലി ബൈഗ്, ഇളവരശ്, മാസ്റ്റർ ഋത്വിക്, അവിനാഷ്, ബാലാജി ശക്തിവേൽ, ആതിരാ പാണ്ടിലക്ഷ്‍മി, സഹനാ വാസുദേവൻ, മുരളി ശർമ്മ, എന്നിവരാണ് മറ്റു പ്രധാന അഭിനേതാക്കൾ. കേരള പിആർഒ പി ശിവപ്രസാദ്.
