കരുവാരക്കുണ്ടിൽ കടുവഭീഷണി ; രണ്ടിടങ്ങളിൽ വനപാലകർ കൂട് സ്ഥാപിച്ചു

വണ്ടൂർ :
കരുവാരക്കുണ്ട് പഞ്ചായത്തിലെ മലയോര മേഖലയായ കുണ്ടോടയിൽ കഴിഞ്ഞ കുറച്ച് ദിവസങ്ങളായി നാട്ടുകാരെ ഭീതിയിലാഴ്ത്തിയ കടുവയും കുഞ്ഞിനെയും പിടികൂടുന്നതിനായി രണ്ടിടങ്ങളിൽ വനപാലകർ കൂട് സ്ഥാപിച്ചു.
ക​ഴി​ഞ്ഞ ദി​വ​സം വനംവകുപ്പ് സ്ഥാപിച്ച ക്യാമ​റ​ക​ളി​ല്‍ ക​ടു​വകളുടെ ചിത്രങ്ങൾ പതിഞ്ഞതിനെ തു​ട​ര്‍​ന്നാ​ണ് ഇവയെ പിടികൂടുന്നതിനുള്ള നടപടികൾ വനം വകുപ്പ് ഊർജിതമാക്കിയത്. ക​ഴി​ഞ്ഞ
ഞാ​യ​റാ​ഴ്ച​യാ​ണ് പ​ക​ല്‍ പ​ന്നി​യെ
വേ​ട്ട​യാ​ടി ക​ടു​വ ജ​ന​വാ​സ​കേ​ന്ദ്ര​ത്തി​ലെ​ത്തി​യ​ത്. പ​ന്നി​യെ പ​കു​തി ഭ​ക്ഷി​ച്ച ക​ടു​വ തി​ങ്ക​ളാ​ഴ്ച​യും ചൊ​വ്വാ​ഴ്ച​യും വീ​ണ്ടു​മെ​ത്തി അ​തി​നെ പൂ​ര്‍​ണ​മാ​യും തി​ന്നു. ക​ടു​വ കാ​ടു​ക​യ​റാ​ത്ത​തി​നെ തു​ട​ര്‍​ന്ന് പ്ര​ദേ​ശ​ത്തു​കാ​ര്‍ ഭീ​തി​യി​ലാ​ണ്. നിലമ്പൂർ സൗത്ത് ഡിഎഫ്ഒ. പി പ്രവീണിൻ്റെ നേതൃത്വത്തിൽ കടുവകളുടെ സാന്നിധ്യം പ്രകടമായ കുണ്ടോട, തരിശ് എന്നിവിടങ്ങളിൽ പരിശോധന നടത്തി. കടുവകളെ നിരീക്ഷിക്കാൻ ഡ്രോൺ പറത്തിയെങ്കിലും ഫലമുണ്ടായില്ല. കാടിനോടു ചേർന്ന സ്വകാര്യ വ്യക്തിയുടെ ഒഴിഞ്ഞുകിടക്കുന്ന കാടുമൂടിക്കിടക്കുന്ന സ്ഥലത്താണ് ഇവയെ കണ്ടിട്ടുള്ളത്.
പെൺകടുവ കുഞ്ഞിനെ വേട്ടയാടി പരിശീലിക്കുന്നതാണ് കഴിഞ്ഞ ദിവസങ്ങളിൽ നടന്നതെന്ന നിഗമനത്തിലാണ് വനപാലകർ. നാട്ടുകാരുടെ പരാതിയെ തുടർന്ന് രണ്ടിടങ്ങളിൽ കൂട് സ്ഥാപിച്ചിട്ടുണ്ട്. ഉടൻ പിടിയിലാകുമെന്ന പ്രതീക്ഷയിലാണ് വനപാലകർ.