കൊച്ചി : ക്യൂബ്സ്‌എന്റർടെയ്ൻമെന്റിന്റെ ബാനറില്‍ ആൻറണി വർഗീസിനെ നായകനാക്കി ഷരീഫ് മുഹമ്മദ് നിർമ്മിച്ച്‌ നവാഗതനായ പോള്‍ ജോർജ് സംവിധാനം ചെയ്യുന്ന ‘കാട്ടാളൻ എന്ന ചിത്രത്തില്‍ തെലുങ്ക് താരം രാജ് തിരണ്‍ദാസുവും. വൈറല്‍ ഗായകൻ ഹനാൻ ഷായും.പുഷ്പ: ദി റൈസി’ല്‍ മൊഗിലീസു എന്ന കഥാപാത്രമായെത്തിയ രാജ് തിരണ്‍ദാസുവിനെ പ്രേക്ഷകർ അത്ര പെട്ടെന്ന് മറക്കാനിടയില്ല.ബുട്ട ബൊമ്മ, ഭുവന വിജയം, ചക്രവ്യൂഹം, പ്രേമ വിമാനം, ഭഗവന്ത് കേസരി, തില്ലു സ്ക്വയർ, മൈക്കിള്‍ തുടങ്ങിയ ചിത്രങ്ങളിലൂടെയും ശ്രദ്ധേയനാണ് രാജ് തിരണ്‍ദാസു.
‘ചിറാപുഞ്ചി’, ‘കസവിനാല്‍’ തുടങ്ങിയ ഗാനങ്ങളിലൂടെ സംഗീതാസ്വാദകരുടെ ഹൃദയം കീഴടക്കിയ ഹനാൻ ഷാ ആദ്യമായാണ് സിനിമയില്‍ അഭിനയിക്കുന്നത്.
‘പറയാതെ അറിയാതെ’ എന്ന കവർ ഗാനത്തിലൂടെയാണ് ഹനാൻ ശ്രദ്ധ നേടിയത്. ഇൻസ്റ്റഗ്രാമില്‍ 2.2 മില്ല്യണിലേറെ ഫോളോവേഴ്സാണ് . ചിറാപുഞ്ചി, കസവിനാല്‍, ഇൻസാനിലെ, ഹാനിയ, ഓ കിനാക്കാലം, അജപ്പാമട, ആലപ്പുഴ മുല്ലക്കല്‍ തുടങ്ങിയവയാണ് വൈറല്‍ ഗാനങ്ങള്‍.അതേസമയം
രജിഷ വിജയനാണ് നായിക. ജഗദീഷ്, സിദ്ധിഖ് , സുനില്‍, കബീർ ദുഹാൻ സിംഗ്, റാപ്പർ ബേബി ജീൻ തുടങ്ങിയവരാണ് മറ്റ് താരങ്ങള്‍. രചന ഉണ്ണി ആർ, പ്രശസ്ത സ്റ്റണ്ട് കോറിയോഗ്രഫർ കെച്ച കെംബഡികെ ആണ് ആക്ഷൻ രംഗങ്ങള്‍ ഒരുക്കുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കന്നഡയിലെ ശ്രദ്ധേയ സംഗീത സംവിധായകൻ അജനീഷ് ലോക്നാഥാണ് സംഗീതം. ‘കാന്താര ചാപ്ടർ 1’ ശേഷം അജനീഷ് സംഗീതമൊരുക്കുന്ന ചിത്രം ആണ് . എഡിറ്റിംഗ് ഷമീർ മുഹമ്മദ് ആണ്. ഛായാഗ്രാഹണം രണെദിവെ എം.ആർ രാജാകൃഷ്ണനാണ് ഓഡിയോഗ്രഫി, പ്രൊഡക്ഷൻ ഡിസൈനർ: സുനില്‍ ദാസ്, പ്രൊഡക്ഷൻ കണ്‍ട്രോളർ: ദീപക് പരമേശ്വരൻ, പി.ആർ. ഒ: ആതിര ദില്‍ജിത്ത്