കോഴിക്കോട്: കുറ്റ്യാടിയില്‍ കാറില്‍ ഇരിക്കുകയായിരുന്ന യുവാവിനെ ഒരു സംഘം എത്തി വലിച്ചിറക്കി മർദ്ദിച്ചു. പരിക്കേറ്റ മണിയൂർ സ്വദേശി മുഹമ്മദിനെ കോഴിക്കോട് മെഡിക്കല്‍ കോളേജില്‍ പ്രവേശിപ്പിച്ചു. ഇന്നലെ കുറ്റ്യാടി മരുതൻകര റോഡിലാണ് സംഭവം.
Advertisements
ഇതിൻ്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്. നേരത്തെയുണ്ടായിരുന്ന തർക്കത്തിന്റെ ഭാഗമായാണ് ഇപ്പോഴുണ്ടായ മർദനം. മർദനമേറ്റ യുവാവിനെതിരെ പൊലീസ് കേസെടുത്തിരുന്നു. ഇതിൻ്റെ ഭാഗമായുള്ള മധ്യസ്ഥ ശ്രമങ്ങള്‍ക്ക് വിളിച്ചുവരുത്തിയാണ് വീണ്ടും ആക്രമണമുണ്ടായത്. നിലവില്‍ കണ്ടാല്‍ അറിയാവുന്ന 10 പേർക്കെതിരെ കുറ്റ്യാടി പൊലീസ് കേസെടുത്തു.
