ന്യൂസ് ഡെസ്ക് : കലിംഗ സൂപ്പര്‍ കപ്പില്‍ നിന്ന് രണ്ടാമത്തെ കേരള ടീമും പുറത്തായി. ഇന്ന് ചെന്നൈയിനോട് പരാജയപ്പെട്ടതോടെയാണ് ഗോകുലം കേരള സൂപ്പര്‍ കപ്പില്‍ നിന്ന് പുറത്തായത്.ഇന്നലെ കേരള ബ്ലാസ്റ്റേഴ്സും പുറത്തായിരുന്നു. ഇന്ന് എതിരില്ലാത്ത രണ്ടു ഗോളുകള്‍ക്ക് ആണ് ചെന്നൈയിൻ വിജയിച്ചത്. ആദ്യ പകുതിയില്‍ കോണോര്‍ ഷീല്‍ഡ്സ് ചെന്നൈയിന് ലീഡ് നല്‍കി. രണ്ടാം പകുതിയില്‍ 64ആം മിനുട്ടില്‍ ഇര്‍ഫാൻ അവരുടെ രണ്ടാം ഗോളും നേടി.69ആം മിനുട്ടില്‍ ഇര്‍ഷാദ് ചുവപ്പ് കാര്‍ഡ് കണ്ട് പുറത്തായതോടെ ഗോകുലം കേരളയുടെ പോരാട്ടം അവസാനിച്ചു. അവര്‍ ആദ്യ മത്സരത്തില്‍ മുംബൈ സിറ്റിയോടും പരാജയപ്പെട്ടിരുന്നു. ഇനി അവസാന മത്സരത്തില്‍ ഗോകുലം കേരള പഞ്ചാബ് എഫ് സിയെ നേരിടും.
Advertisements
