‘കെജിഎഫ്’ എന്ന ചിത്രത്തിലൂടെ ശ്രദ്ധ നേടിയ ഹോംബാലെ ഫിലിംസിന്റെ മലയാളത്തിലെ ഹോംബാലെയുടെ ആദ്യ നിർമ്മാണ സംരംഭമായ ‘ധൂമം’ ഫസ്റ്റ് ലുക്ക് പോസ്റ്റർ പുറത്തിറങ്ങി. ഫഹദ് ഫാസിൽ, അപര്‍ണ ബാലമുരളി എന്നിവരാണ് ചിത്രത്തിലെ കേന്ദ്ര കഥാപാത്രങ്ങൾ.
‘തീയില്ലാതെ പുകയില്ല, ആദ്യത്തെ തീപ്പൊരിയിതാ’ എന്ന് കുറിച്ചുകൊണ്ടാണ് ഹോംബാലെ ഫസ്റ്റ് ലുക്ക് പങ്കുവെച്ചത്. പ്ലാസ്റ്റർ കൊണ്ട് വായ് മൂടിയ ഫഹദിൻ്റെ ചിത്രമാണ് പോസ്റ്ററിൽ പ്രധാനം. അപർണ്ണ ബാലമുരളി, റോഷൻ തുടങ്ങിയവരും പല ഭാവങ്ങളിൽ പോസ്റ്ററിൽ ഉണ്ട്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
പവന്‍ കുമാറാണ് ധൂമത്തിന്‍റെ തിരക്കഥയും സംവിധാനവും. മലയാളം, തമിഴ്, കന്നഡ, തെലുങ്ക് ഭാഷകളില്‍ ‘ധൂമം’ റിലീസ് ചെയ്യും.
നേരത്തെ പ്രഖ്യാപിച്ച ‘ടൈസണ്‍’ എന്ന ചിത്രത്തിന് ശേഷം മലയാളത്തില്‍ ഹോംബാലെ ഫിലിംസിന്റെ രണ്ടാമത്തെ ചിത്രമാണ് ധൂമം.
‘മാസ്സ്’ വേഷത്തിലാണ് ഫഹദ് ഫാസിൽ ചിത്രത്തിൽ എത്തുകയെന്ന് നിർമ്മാതാവ് വിജയ് കിരഗണ്ടൂര്‍ പറഞ്ഞു. അച്യുത് കുമാർ, ജോയ് മാത്യു, ദേവ് മോഹൻ, നന്ദു, അനു മോഹൻ എന്നിവരും പ്രധാന വേഷത്തിൽ എത്തുന്നു.
ഛായാഗ്രഹണം പ്രീത ജയരാമന്‍. സംഗീത സംവിധാനം പൂര്‍ണചന്ദ്ര തേജസ്വി. ക്രിയേറ്റീവ് പ്രൊഡ്യൂസർ കാർത്തിക് വിജയ് സുബ്രമണ്യം. പ്രൊഡക്ഷൻ ഡിസൈൻ അനീസ് നാടോടി. പ്രൊഡക്ഷൻ കൺട്രോളർ ഷിബു ജി സുശീലൻ, കോസ്റ്റ്യൂം പൂർണിമ രാമസ്വാമി.
