കൊല്ലം പോരുവഴിയില്‍ എസി പൊട്ടിത്തെറിച്ച് വീടിന് തീപിടിച്ചു. പോരുവഴി ഇടക്കാട് കഴിഞ്ഞ രാത്രിയാണ് സംഭവം. ഇടക്കാട് മുണ്ടുകുളഞ്ഞി പള്ളിപ്പറമ്ബില്‍ ഡെന്നി സാമിന്റെ വീട്ടിലെ എസിയാണ് പൊട്ടിത്തെറിച്ചത്. അപകടസമയത്ത് വീട്ടില്‍ ആരും ഉണ്ടായിരുന്നില്ല. അതിനാല്‍ വൻ അപകടം ഒഴിവായി. വീടിലുണ്ടായിരുന്ന കട്ടില്‍, രണ്ടു ജനലുകള്‍ അടക്കമുള്ളവ പൂർണമായും കത്തി നശിച്ചു. നാട്ടുകാർ തീയണക്കാൻ ശ്രമിച്ചെങ്കിലും വിജയിച്ചില്ല. ശാസ്താംകോട്ടയില്‍ നിന്നെത്തിയ ഫയർഫോഴ്സ് സംഘമാണ് തീ നിയന്ത്രണവിധേയമാക്കിയത്. മിന്നലേറ്റാണ് തീപിടുത്തമുണ്ടായതെന്ന് സംശയിക്കുന്നു.
Advertisements
