തൃശൂർ: തൃശൂർ കൊണ്ടാഴി ചെക്ക് ഡാമിന് സമീപം വിദ്യാർത്ഥികളുമായി വന്ന സ്കൂള്‍ ബസ് അപകടത്തില്‍പ്പെട്ടു. സരസ്വതി വിലാസം യുപി സ്കൂളിലെ ബസ്സാണ് അപകടത്തില്‍ പെട്ടത്. കൊണ്ടാഴിയില്‍ നിന്നും വിദ്യാർത്ഥികളെ കയറ്റി ചെക്ക് ഡാം പരിസരത്തു നിന്നും വണ്ടി തിരിക്കുന്നതിനിടയാണ് കനാലിലേക്ക് ഒരു ഭാഗം ചെരിഞ്ഞുപോയത്. തലനാരിഴയ്ക്കാണ് വൻ ദുരന്തം ഒഴിവായത്. 30ല്‍ കൂടുതല്‍ വിദ്യാർത്ഥികള്‍ സ്കൂള്‍ ബസ്സില്‍ ഉണ്ടായിരുന്നു. അപകടത്തില്‍ ആർക്കും പരിക്കില്ല.
Advertisements
