ചെന്നൈ : കെനീഷ ഫ്രാൻസിസ് തനിക്ക് ദൈവംതന്ന സമ്മാനമെന്ന് നടൻ രവി മോഹൻ. നടന്റെ നേതൃത്വത്തിലുള്ള രവി മോഹൻ സ്റ്റുഡിയോസ് എന്ന പുതിയ നിർമാണക്കമ്ബനിയുടെ ലോഞ്ചിങ് വേളയിലാണ് സുഹൃത്ത് കെനീഷയെ രവി മോഹൻ വാനോളം പുകഴ്ത്തിയത്.താരത്തിന്റെ വാക്കുകള്‍ നിറകണ്ണുകളോടെയാണ് കെനീഷ കേട്ടിരുന്നത്. രവി മോഹനെ താൻ ദൈവമായാണ് കാണുന്നതെന്നാണ് കെനീഷ പിന്നീട് വേദിയില്‍ പറഞ്ഞത്. ഇരുവരും സംസാരിക്കുന്ന വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലാണ്.
“ഇന്നീ പരിപാടി നടക്കാനുള്ള ഒരേയൊരു കാരണം കെനീഷ മാത്രമാണ്. എന്റെ ജീവിതത്തില്‍ ഇതുപോലെ എന്നെ സഹായിച്ച ആരുമുണ്ടായിട്ടില്ല. ഒരു മനുഷ്യൻ ജീവിതത്തില്‍ വഴിമുട്ടി നില്‍ക്കുമ്ബോള്‍ ദൈവം ഏതെങ്കിലും രൂപത്തില്‍ അയാളെ സഹായിക്കാൻ എത്തും. അങ്ങനെയൊരാള്‍ വരുന്ന ഒരു നേരം വരും. ഞാനെപ്പോഴും ചിരിച്ചുകൊണ്ടിരിക്കുന്നയാളാണ്. പുഞ്ചിരിക്കുന്നതിലപ്പുറം എന്ത് പോസിറ്റിവിറ്റിയാണുള്ളത്. ജീവിതത്തില്‍ പണം സമ്ബാദിക്കുന്നതല്ല മുഖ്യം. എനിക്ക് ദൈവം കൊണ്ടുതന്ന സമ്മാനമാണ് കെനീഷ. ഞാൻ ആരാണെന്ന് എന്നെ കണ്ടെത്താൻ സഹായിച്ചത് കെനീഷയാണ്. രവി മോഹൻ സ്റ്റുഡിയോസില്‍ കെനീഷയും പങ്കാളിയാണ്. എല്ലാവരുടെയും ജീവിതത്തില്‍ ഇങ്ങനെയൊരാളുണ്ടായിരിക്കണമെന്ന് ഞാൻ ആത്മാർത്ഥമായി ആഗ്രഹിക്കുന്നു.” രവി മോഹൻ പറഞ്ഞതിങ്ങനെ.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
രവി മോഹൻ സ്റ്റുഡിയോ എന്ന സ്വപ്നം യാഥാർത്ഥ്യമാക്കാൻ തങ്ങള്‍ ഒന്നിച്ചു എന്നാണ് കെനീഷ വേദിയില്‍ പറഞ്ഞത്. ഈ സംരംഭത്തെ കഴിയുന്നത്ര ഉയരത്തിലെത്തിക്കുകയാണ് ഞങ്ങളുടെ സ്വപ്നം. “ഞാൻ കടന്നുവന്നത് വളരെ കഷ്ടപ്പാടുകള്‍ നിറഞ്ഞ സാഹചര്യങ്ങളിലൂടെയാണ്. രവീ, നിങ്ങള്‍ തീർത്തും കഠിനമായ സാഹചര്യങ്ങളിലൂടെയാണ് കടന്നുപോയത്. എന്നാല്‍ എത്ര സങ്കടം ഉള്ളിലുണ്ടെങ്കിലും നിങ്ങള്‍ അതൊന്നും പുറമേ കാണിച്ചില്ല. കൂരിരുട്ടുമായിപ്പോലും എത്തുന്ന ഏതൊരാളിലേക്കും വെളിച്ചം നിറയ്ക്കാൻ നിങ്ങള്‍ക്ക് കഴിയുന്നു. നിങ്ങളിലെ ദൈവത്തെ ഞാൻ കണ്ടു. മറ്റൊന്നും എനിക്ക് കാണണമെന്നില്ല.” കെനീഷ പറഞ്ഞു.
രവി മോഹന്റെ അമ്മ വരലക്ഷ്മിയും മൂത്ത സഹോദരൻ മോഹൻ രാജയും വേദിയിലുണ്ടായിരുന്നു. കാർത്തിക് യോഗി സംവിധാനം ചെയ്യുന്ന ബ്രോ കോഡ് എന്ന ചിത്രമാണ് രവി മോഹൻ സ്റ്റുഡിയോസിന്റെ ബാനറില്‍ പുറത്തിറങ്ങുന്ന ആദ്യചിത്രം. രവി മോഹൻ, അർജുൻ അശോകൻ, എസ്.ജെ. സൂര്യ എന്നിവരാണ് മുഖ്യവേഷങ്ങളില്‍. ചിത്രത്തിന്റെ പ്രൊമോ ഇതിനോടകം ശ്രദ്ധനേടിക്കഴിഞ്ഞു. തന്റെ ആദ്യ സംവിധാന സംരംഭത്തെക്കുറിച്ചും രവി മോഹൻ പ്രഖ്യാപിച്ചു. യോഗി ബാബുവിനെ നായകനാക്കി ‘ആൻ ഓർഡിനറി മാൻ’ എന്ന ചിത്രമാണ് രവി മോഹൻ സംവിധാനം ചെയ്യാൻ ഒരുങ്ങുന്നത്.