മലപ്പുറം: മലപ്പുറം കോട്ടക്കല്‍ നഗരസഭ ചെയര്‍പേഴ്സനായി മുസ്ലിം ലീഗിലെ ഡോക്ടര്‍ കെ ഹനീഷയെ തെരഞ്ഞെടുത്തു. ഒരു സിപിഎം കൗണ്‍സിലറുടെ വോട്ട് ഉള്‍പ്പെടെ 20 വോട്ടാണ് ലീഗ് സ്ഥാനാര്‍ഥിക്ക് ലഭിച്ചത്. സിപിഎമ്മിന്റെ ചെയര്‍പേഴ്സണ്‍ സ്ഥാനാര്‍ഥിക്ക് 7വോട്ടും ലഭിച്ചു. അതേസമയം, ഒരു സി പി എം കൗണ്‍സിലര്‍ വോട്ടെടുപ്പില്‍ നിന്നും വിട്ടു നിന്നു.
Advertisements
നഗരസഭാ അധ്യക്ഷയായിരുന്ന ബുഷ്‌റ ഷബീര്‍ ലീഗിലെ ആഭ്യന്തര പ്രശ്നങ്ങളെ തുടര്‍ന്ന് നേരത്തെ രാജി വെച്ചിരുന്നു. തുടര്‍ന്ന് നടന്ന തെരഞ്ഞെടുപ്പില്‍ എല്‍ ഡി എഫ് പിന്തുണയോടെ ഔദ്യോഗിക സ്ഥാനാര്‍ഥിയെ തോല്‍പ്പിച്ചു ലീഗ് വിമതയാണ് അധ്യക്ഷ സ്ഥാനത്തേക്ക് വിജയിച്ചത്. ലീഗ് സംസ്ഥാന നേതൃത്വം ഇടപെട്ട് ഇവരെ രാജി വെപ്പിച്ചതോടെയാണ് വീണ്ടും തെരഞ്ഞെടുപ്പ് നടന്നത്. ലീഗിന് 19 അംഗങ്ങളുള്ള നഗരസഭയില്‍ സി പി എമ്മിന് 9ഉം ബിജെപി ക്കു രണ്ടും അംഗങ്ങളുമാണ് ഉള്ളത്.
