കോട്ടയത്ത് വീണ്ടും കുട്ടികളുടെ ചലച്ചിത്രമേളയെത്തുന്നു; ചലച്ചിത്ര മേള നടക്കുക മെയ് 21 നും 22 നും

കോട്ടയം: നവയുഗ് ചിൽഡ്രൻസ് തൂയറ്ററും മൂവി വില്ലേജും ചിത്ര ദർശന ഫിലിം സൊസൈറ്റിയും ചേർന്ന് നടത്തുന്ന കുട്ടികളുടെ ചലച്ചിത്ര മേള മേയ് 21 നും 22 നും ദർശന ഓഡിറ്റോറിയത്തിൽ നടക്കും. സ്‌കൂൾ വിദ്യാർത്ഥിയായ ചലച്ചിത്ര സംവിധായിക ചിന്മയ് ചലച്ചിത്ര മേള ഉദ്ഘാടനം ചെയ്യും. 2002 ലെ സംസ്ഥാന അവാർഡ് നേടിയ ബൊണാമി ആണ് ഉദ്ഘാടന ചിത്രം. കൂടാതെ അഞ്ച് ചിത്രങ്ങൾ കൂടി പ്രദർശിപ്പിക്കും. രാവിലെ പത്ത്, ഉച്ചയ്ക്ക് 1.30 ന് 3.30 സമയങ്ങളിലാണ് പ്രദർശനം. ചലച്ചിത്ര സംവിധായകൻ ജോഷി മാത്യു അധ്യക്ഷത വഹിക്കും.