കോട്ടയം : കോട്ടയം കടുത്തുരുത്തിയിൽ കെഎസ്ആര്‍ടിസി ബസ് സ്‌കൂട്ടറിലിടിച്ചു സ്‌കൂട്ടര്‍ യാത്രികന് ദാരുണാന്ത്യം . കോതനല്ലൂര്‍ പ്ലാച്ചിറയില്‍ മനോജ് കുര്യാക്കോസ് (47) ആണ് മരിച്ചത്.കളത്തൂര്‍ കവലയ്ക്കു സമീപം ചൊവ്വാഴ്ച്ച രാത്രി ഒമ്പതോടെയാണ് അപകടമുണ്ടായത്. എര്‍ണാകുളത്തിന് പോവുകയായിരുന്ന സൂപ്പര്‍ ഫാസ്റ്റ് ബസ് ഓവര്‍ടേക്ക് ചെയ്യുന്നതിനിടെ സ്‌കൂട്ടറിലിടിക്കുകയായിരുന്നു.
ബൈക്കിൽ ഇടിച്ച ശേഷം ബസ് നിര്‍ത്താതെ പോവുകയായിരുന്നു. ഇടിയുടെ ആഘാതത്തിൽ തെറിച്ചു പോയ മനോജ് റോഡരികിലെ മരിത്തിലിടിച്ചു വീഴുകയായിരുന്നു. പുറകെയുണ്ടായിരുന്ന ബൈക്ക് യാത്രക്കാര്‍ പിന്തുടര്‍ന്നെത്തി ബസ് തടഞ്ഞു. തുടര്‍ന്ന് നാട്ടുകാരും സ്ഥലത്ത് എത്തി. വിദേശത്ത് ജോലി ചെയ്യുന്ന മനോജ് അവധിക്കു നാട്ടില്‍ വന്നതാണ്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കോട്ടയത്തിന് പോയ ശേഷം വീട്ടിലേക്കു മടങ്ങി പോകുമ്പോളായിരുന്നു അപകടം. ഗുരുതരമായി പരിക്കേറ്റ മനോജിനെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും രാത്രി 12.30 ഓടെ മരിച്ചു. കടുത്തുരുത്തി പോലീസ് മേല്‍നടപടികള്‍ സ്വീകരിച്ചു. ഭാര്യ റോസിലി. ചേര്‍ത്തല തൈക്കാട്ടുശ്ശേരി ചണംചേരില്‍ കുടുംബാംഗം. മകള്‍ മെറീന. സംസ്‌ക്കാരം ബുധനാഴ്ച രണ്ടിന് കോതനല്ലൂര്‍ കന്തീശങ്ങളുടെ ഫൊറോനാ പള്ളിയില്‍.
