കോട്ടയം: കോട്ടയം മൂലവട്ടത്ത് വൈദ്യുതി പോസ്റ്റിൽ തീ പിടിച്ചു. ചൊവ്വാഴ്ച വൈകിട്ട് ഏഴരയോടെയായിരുന്നു സംഭവം. മൂലവട്ടം ദിവാൻകവല ജംഗ്ഷനിലെ വൈദ്യുതി പോസ്റ്റിലാണ് തീ ആളിപ്പടർന്നത്. തീ കത്തുന്നത് കണ്ട നാട്ടുകാരാണ് വിവരം അഗ്നിരക്ഷാ സേനയിൽ അറിയിച്ചത്. തുടർന്നു, അഗ്നിരക്ഷാ സേനാംഗങ്ങൾ സ്ഥലത്ത് എത്തി തീ നിയന്ത്രണ വിധേയമാക്കി.
Advertisements
പോസ്റ്റിൽ തീ കത്തിപ്പടർന്നതിനെ തുടർന്നു പ്രദേശത്തെ വൈദ്യുതി വിതരണം ഏതാണ്ട് ഭാഗീകമായി മുടങ്ങിയിട്ടുണ്ട്. ഈ സാഹചര്യത്തിൽ വൈദ്യുതി വിതരണം രാത്രിയോടെ മാത്രമേ പൂർണ്ണ തോതിൽ സജ്ജമാകൂ. കൃത്യസമയത്ത് അധികൃതർ നടത്തിയ ഇടപെടലാണ് അപകടം ഒഴിവാക്കിയത്. തീ പടരുന്നത് കണ്ട് നാട്ടുകാർ കെ.എസ്.ഇ.ബിയിൽ അറിയിച്ചതോടെ വൈദ്യുതി ബന്ധവും വിച്ഛേദിച്ചത് അപകടം ഒഴിവാക്കി.
