കോട്ടയം : ലയൺസ് ക്ലബ്‌ ഇന്റർനാഷണലും കെ ഇ ഇംഗ്ലീഷ് മീഡിയം ഹയർസെക്കൻഡറി സ്കൂൾ മാന്നാനവും ചേർന്ന് സംഘടിപ്പിച്ച കേരളപ്പിറവി ദിനാഘോഷം നടന്നു. ഇന്ന് രാവിലെ 9:30 ന് കെ ഇ ഇംഗ്ലീഷ് മീഡിയം ഹയർസെക്കൻഡറി സ്കൂളിൽ വെച്ച് നടന്ന ചടങ്ങിൽ മുൻ എംജി യൂണിവേഴ്സിറ്റി വിസി ഡോ. സിറിയക് തോമസ് മുഖ്യാതിഥിയായി പങ്കെടുത്തു. ഫാ. ജെയിംസ് മുല്ലശ്ശേരി അധ്യക്ഷനായ ചടങ്ങിൽ ലയൺസ് ഡിസ്ട്രിക്ട് ഗവർണർ ആർ വെങ്കിടാചലം ഉദ്ഘാടനം നിർവഹിച്ചു.മധു എം.വി ചടങ്ങിൽ സ്വാഗതം ആശംസിച്ചു.തുടർന്ന് ഉച്ചയ്ക്കുശേഷം രണ്ടുമണിക്ക് വിദ്യാർത്ഥികൾക്കായി മലയാളി മങ്ക കേരള ശ്രീമാൻ സൗന്ദര്യമത്സരം നടന്നു.
ആൺകുട്ടികളുടെ കേരള ശ്രീമാൻ വിഭാഗത്തിൽ നോയൽ മാർട്ടിൻ ഒന്നാം സ്ഥാനവും അഭിജിത്ത് അരുൺകുമാർ രണ്ടാം സ്ഥാനവും റിച്ചു സജി മൂന്നാം സ്ഥാനവും കരസ്ഥമാക്കി. പെൺകുട്ടികളുടെ മലയാളി മങ്ക വിഭാഗത്തിൽ ഹീരാ ഹരികുമാർ ഒന്നാം സ്ഥാനവും ജോവാനാ മരിയ രണ്ടാം സ്ഥാനവും അലൈൻ ജോസഫ് മൂന്നാം സ്ഥാനവും കരസ്ഥമാക്കി. വിജയികൾക്ക് ലക്ഷ്മി സിൽക്സ് സ്പോൺസർ ചെയ്ത 20,000 ൽ പരം രൂപയുടെ സമ്മാനങ്ങൾ നൽകി.
