കോട്ടയം പ്രസ് ക്ലബിൻ്റെ സുവർണ ജൂബിലി: തപാൽ വകുപ്പ് പ്രത്യേക കവർ പുറത്തിറക്കി

കോട്ടയം : പ്രസ് ക്ലബിൻ്റെ സുവർണ ജൂബിലിയോട് അനുബന്ധിച്ച് ഇന്ത്യൻ തപാൽ വകുപ്പ് പ്രത്യേക കവർ പുറത്തിറക്കി. മധ്യ മേഖല പോസ്റ്റ്മാസ്റ്റർ ജനറൽ മറിയാമ്മ തോമസ് ഗോവ ഗവർണർ പി.എസ്.ശ്രീധരൻപിള്ളക്കു പോസ്റ്റൽ കവർ നൽകിയാണ് പ്രകാശനം നിർവഹിച്ചത്.

തപാൽ വകുപ്പ് പുറത്തിറക്കിയ കോട്ടയം പ്രസ് ക്ലബിൻ്റെ സുവർണ ജൂബിലി മൈ സ്റ്റാമ്പ് തിരുവഞ്ചൂർ രാധാകൃഷ്ണൻ എംഎൽഎ തോമസ് ചാഴികാടൻ എംപിക്കു നൽകി പ്രകാശനം ചെയ്തു. പ്രസ് ക്ലബ് പ്രസിഡൻ്റ് ജോസഫ് സെബാസ്റ്റ്യൻ അധ്യക്ഷനായിരുന്നു.

സെക്രട്ടറി എസ്.സനിൽകുമാർ, ട്രഷറർ ദിലീപ് പുരയ്ക്കൽ, നിർവാഹക സമിതി അംഗം അഞ്ജു ജെ. അച്ചാമ്മ തുടങ്ങിയവർ പങ്കെടുത്തു.