കൂരോപ്പട ഗ്രാമ പഞ്ചായത്ത് മുൻ പ്രസിഡന്റും മുതിർന്ന കോൺഗ്രസ് നേതാവുമായ ളാക്കാട്ടൂർ പാലയ്ക്കാമറ്റം പി.ഇസഡ് ജോസഫ്

കൂരോപ്പട : കൂരോപ്പട ഗ്രാമ പഞ്ചായത്ത് മുൻ പ്രസിഡന്റും മുതിർന്ന കോൺഗ്രസ് നേതാവുമായ ളാക്കാട്ടൂർ പാലയ്ക്കാമറ്റം പി.ഇസഡ് ജോസഫ് (92) നിര്യാതനായി. സംസ്ക്കാരം  നാളെ മെയ് നാല് ശനിയാഴ്ച വൈകുന്നേരം 4 ന് ചേപ്പുംപാറ മർത്തമറിയം പള്ളിയിൽ.

ദീർഘകാലം അധ്യാപകനായിരുന്ന പി ഇസഡ് ജോസഫ് കോൺഗ്രസ് അധ്യാപക സംഘടനയായ പി.എസ്.റ്റി.എ യുടെ സ്ഥാപക നേതാക്കളിൽ പ്രമുഖനായിരുന്നു.

 1995 – 2000 കാലഘട്ടത്തിൽ കൂരോപ്പട ഗ്രാമ പഞ്ചായത്ത് പ്രസിഡന്റായും പ്രവർത്തിച്ചു. ജനകീയാസൂത്രണത്തിന്റെ തുടക്കത്തിൽ അവിസ്മരണീയമായ നേതൃത്വം സാർ നൽകിയിരുന്നു. നാടിന്റെ വികസനത്തിന് കക്ഷി രാഷ്ട്രീയത്തിന് അതീതമായി പ്രവർത്തിക്കുകയും ചെയ്തു.